AMOS 4:1 - BIBEL JAMITA NA DENGGAN

¹ Tangihon hamu ma, ale angka boru Samaria, na mur mamokmok songon angka lombu Basan! Dipisat hamu do halak na gale, halak na pogos diporo hamu, jana sai digogohon hamu anso diparade halaklahimu tongtong inumon na koras di hamu!

AMOS 4:1 Referans Kwoze

MASMUR 22:12

Songon lombu na marhulanan, musu mangarongomi au, songon lombu riar na sian Basan halahi manghaliangi au.

AMOS 6:1

Marjaya ma hamu na sonang mangolu di Sion, dohot hamu na aman pangkilalaanna di Samaria – hamu angka panangian ni masarakat ni bangso Israel na godang on, hamu angka na somal ditopot-topot rayat.

AMOS 5:11

Dipisat hamu do halak na pogos jana dirampas hamu dohot gandumna. Hara ni i, nada be ingananmunu angka bagas batumunu na jeges-jeges i na nipajongjongmunu jana nada inumonmunu be anggur na sian kobun anggur na nisuanmunu.

JEHESKIEL 39:18

Bolas ma panganon ni halahi angka bangke ni ulubalang, jana inumon ni halahi mudar ni angka parkuaso ni tano on. Na giot bunuon do angka ulubalang dohot parkuaso i songon angka hambeng jantan sanga anak ni hambeng, sanga banteng na mokmok sian Basan.

PARJAMITA 4:1

Dung i huparrohahon muse ma sada hageduhan na masa di tano on. Martangisan angka halak na hona sosak jana nada adong na ra mangurupi halahi. Umpe sahalak na ra mangurupi, harana godang do kuaso ni angka na manyosak i.

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”

JOEL 3:3

Marundi ma halahi laho manontuhon sanga ise na patut dapotan angka na tartangkup. Digadis halahi do angka bujing-bujing dohot doli-doli baenon gabe hatoban. Jana dipake halahi ma hepengna i tu dadaboru panggampang dohot minum anggur.

JEHESKIEL 22:29

Mangicu dohot manangko do angka halak na kayo. Roha-roha ni halahi sajo do dibaen halahi tu halak na pogos jana mambuat untung do halahi sian halak sileban.

JEHESKIEL 22:27

Songon sorigala na manyahe-nyahe soroanna do angka na marjabatan di pamarenta ni halahi. Mamunu jolma do halahi hum hara ni na manjalahi untung.

JEHESKIEL 22:12

Adong muse do sigararon mamunu jolma, siincop mudar dohot na mamoro angka donganna sabangso. Madung dihalupahon halahi sudena Au. Au Tuhan Debata, madung mandok songon i.

JEHESKIEL 22:7

Sahalak pe so adong halak na mangingani ho na pasangapkon simatobangna. Dikicu ho do halak jana dihaut ho untung sian hasusaan ni na mabalu dohot na so marama so marina.

JEREMIA 51:34

Dironcohon jana dipangan raja ni Babel do sude Jerusalem ias dihais ia kota i lopus songon botol na rumar. Tarsongon sada binatang raksasa, dibondut ia do Jerusalem jana manggohi butuhana dohot sandok na denggan di kota i, lalu diambungkon ia teba-tebana i.

JEREMIA 50:27

Bunu hamu sude tentarana i! Matehon sudena i! Marjaya ma Babel! Madung dapot hatihana hona tona uhum!” (

JEREMIA 7:6

Ulang sai sosak hamu halak na leban, dakdanak na so marama so marina, dohot angka na mabalu. Ulang bunu hamu halak na so marsala di luat on. Ulang marsomba hamu tu angka debata na asing angke mangalapi hamagoanmunu do i.

JEREMIA 6:6

Songon on ma hata ni Tuhan Na Markuaso i, “Taba ma sude hayuna i, jana timbuni ma tano manghobuk Jerusalem, i ma kota siuhumon, angke hum hajahaton noma di kota on.

JESAYA 58:6

Songon on do puaso na Huhagioti: Harkari hamu ma rante ni hajahatan dohot tali ni angka auga, jana palua hamu angka halak na niparkancitan ponggolkon hamu ma sude auga.

JESAYA 5:8

Marjaya ma hamu! Ditobusi hamu ma angka bagas dohot angka ladang laho manamba sinadonganmunu. Nada sadia honok nari abis ma inganan di halak na asing jana hum hamu sajo noma na maringanan di luat i.

PARJAMITA 5:8

Ulang ma longang muda niida parkuaso mamisat halak na pogos, mangarampas hak ni halahi jana nada dilehen hatigoran tu halahi. Diondihon atasanna do ganop pagawe jana halahi na dua diondihon pajabat na umpangkat.

MASMUR 140:12

O Tuhan, huboto do tangkas Ho pambela ni halak na pogos dohot na dangol, diurupi Ho do parkaro ni halak na hona sosak.

MASMUR 12:5

Didok Tuhan, “Halak na dangol sai diparkanciti, halak na oto humolos hara ni na hancit i. Ro Au laho mangalehen tu halahi hasonangan na dihalungunkonna i.”

JOB 20:19

Harana na mamisat do ia antong jana mambaen mompas halak na so mardiha-diha; dirampas ia do angka bagas na so nipajongjongna.

1 RAJA-RAJA 16:24

Tapi dung salpu i ditobusi ia ma sada dolok mararga onom ribu hepeng perak sian sada bayo na margoar si Semer. Dipajongjong si Omri ma sada kota di dolok i, dibaen ia ma goarna Samaria mangihutkon goar ni si Semer nampuna dolok i humani.

PANGARATAION 28:33

Pambuatan ni halak sileban ma suha ni ladang na nikarejohonmunu maradu gogo, hape sanga aha pe nada dijagit ho asing ni na marpupu diparkanciti dohot pambaenan na kejam.

JEREMIA 50:11

Didok Tuhan ma, “O hamu halak Babel, disamun hamu ma bangsongKi. Marjop ni roha ma hamu songon kudo na panyihal-nyihalon jana pahae-pahulu hamu songon lombu na mardege gandum.

PANGARATAION 24:14

Ulang kicu hamu halak pangomo na pogos jana na hurangan, sanga na halak Israel pe i sanga na halak sileban na maringanan di sada sian hutamunu i.

JEHESKIEL 18:12

Giotnia ma mangicu halak na pogos, manangko, mambuat barang jaminan ni halak na marutang tusia. Kehe ia tu angka bagas pamelean ni halak na so mananda Tuhan jana disomba ia gana-ganaan sihagigian.

AMOS 6:6

Minum anggur ma hamu sian bokor, jana dipake hamu ma miak na humuskus, hape nada adong arsak ni rohamunu mida hasesego ni Israel.

BILANGAN 21:33

Dung i mangeldok ma halak Israel mardalan adop Basan. Ro ma Raja Og sian Basan rap dohot tentarania laho mangaroro halak Israel di kota Edrei.

JOB 24:4

Diambati halahi do halak na pogos laho mambuat hakna, gabe tarpaksa ma martabuni halak na so mardiha-diha.

PODA 22:7

Guru dok ni paradongan do halak na pogos gabe hatoban ni parsingir do parutang.

JESAYA 28:1

Marjaya ma Harajaan Israel! Hambar ma hajegesonna i songon sasusuhan ni bunga na malos di ulu ni angka pamimpinna. Huskus nian ulu ni halahi hara ni miak wangi, tapi bustang do halahi modom songon na mate hara ni na mabuk.

JESAYA 56:12

“Tole, minum anggur ma hita, jana tagogoi be ma na minum on! Tumabo dope ancogot ulang pado sadari on!”

JEHESKIEL 34:16

JalahanKu ma na mago i, obanonKu mulak na lilu i, na margasa balutonKu, na marnyae ubatanKu; tapi anggo na mokmok dohot na gogo i abiskononKu, angke parmahan na mambaen na denggan do Au.

AMOS 3:1

Tangihon hamu ma tona ni Tuhan on, ale bangso Israel na nioban ni Tuhan haruar sian Mesir. Didok Tuhan do,

AMOS 3:3

Tarbaen he ma rap kehe dua halak anggo so jolo martahi?