AMOS 3:7 - BIBEL JAMITA NA DENGGAN

⁷ Nada dibaen Tuhan Debata i sanga na aha painte so dipabotohon Ia sangkap na nibaenNia tu angka panurirang, naposoNia.

AMOS 3:7 Referans Kwoze

JOHANNES 15:15

Anggo hamu nada Hugoari be naposo, harana anggo naposo nada diboto ia sanga aha na nikarejohon ni morana. Dongan do hamu Hugoari, harana sude na Hubege sian Damang madung Hupaboa tu hamu.

PAMUNGKAAN 18:17

Dung i didok Tuhan ma di bagasan rohaNia, “Nada pola bunihononKu tu si Abraham sanga aha na giot baenonKu.

MASMUR 25:14

Ale-ale ni Tuhan do halak na mabiar tuSia jana dipaboa Ia do janjiNa tu halahi.

HALUMBAAN 1:1

On ma halumbaan ni Jesus Kristus, na nilehen ni Debata diSia anso dipatidahon Ia i tu angka naposoNia taringot tu angka na giot masa. Jana madung dipatangkas jana ditongos Ia i markite-hite surusuruanNia tu naposoNia si Johannes.

PAMUNGKAAN 6:13

Jadi didok Debata ma tu si Noak, “Madung putus di rohangKu, paujungonKu ma sude ngolu ni jolma. MatehononKu noma halahi, angke madung gok na satano on hajahaton ni halahi.

HALUMBAAN 4:1

Dung salpu i, huligi ma, mungkap do sada pintu di banua ginjang, jana mangkuling ma sora na dung hubege mangkatai dohot au di mulana i, songon sora ni sarune, ninna ma, “Manaek ma ho tuson jana patidahononKu ma tu ho sanga aha na giot tulus dung salpu on.”

DANIEL 10:21

Tapi haru pe songon i, paboaonKu do tu ho sanga aha na tarsurat di Buku Hasintongan i. Nada adong sahalak pe na jongjong mamihak tu au sian ias ni roha mangalo halahi, ia so hum si Mikhael, pamimpinmunu i,

JEREMIA 23:22

Sugari tutu nian adong diboto halahi na di bagasan rohangKu, tontu palaluon ni halahi do tu bangsongKu sandok hata na dung Hudokkon i. Gabe muba ma roha ni bangsongKi sian angka dosana dohot pangalahona na jahat i.

HALUMBAAN 1:19

Antong, suratkon ma sanga aha na niidamu, i ma angka na adong saonnari dohot angka na giot tarjadi tu pudi on.

DANIEL 11:2

Jana sanga aha na giot sidokkononku tu ho, na tutu do i.” Didok surusuruan i ma, “Tolu raja na asing na giot mamarenta Persia, ihut ma raja na paopatkon na ummora ulang pado na asing i. Di hagogok ni kuaso dohot hamoraonnia, ditahi rohania ma giot marporang mangalo harajaan Junani.

2 RAJA-RAJA 22:13

“Kehe ma hamu marsapa tu Tuhan salaho tu au dohot rayat sudena i taringot tu isi ni buku on. Na muruk do Tuhan tu hita hara ni na so didalankon ni angka ompunta angka parenta na tarsurat di buku on.”

2 RAJA-RAJA 6:12

Dialusi sahalak sian parpangkat i ma, “Nada adong i sahalak pe rajanami. Tapi karejo ni si Elisa do i! Ia do paboahon tu raja ni Israel sanga aha na nidok ni raja i, haru pe di kamar podoman didok raja i hata i.”

2 RAJA-RAJA 22:20

Hara ni i, nada patuluson be uhuman i tu Jerusalem salolot mangolu ho. Di bagasan dame do ho laho marujung ngolumu.” Jadi mulak ma angka na nisuru i mandapotkon raja i jana dipalalu halahi ma tona i.

HALUMBAAN 10:7

Tapi di na niombus ni surusuruan papituhon i sarunenia, patuluson ni Debata ma sangkaNia i na so nipabotohon dope, hombar tu boa-boaNia tu angka naposoNia, i ma angka panurirang.”

JEHESKIEL 29:21

Muda tarjadi na songon i, baenonKu ma Israel margogo, jana bahenonKu ma ho mulak muse mangkobari di tonga-tonga ni halahi. Jadi gabe botoon ni halahi ma Au do Tuhan.”

DANIEL 2:47

Didok raja i ma, “Tutu do Daniel, gumodang do Debatami sian sandok debata. Guru diSia do sude raja, jana na margogo mambuka rahasia. Huboto pe na songon i, hara ni na bisa do ho patorangkon astuan ni rahasia on.”

1 SAMUEL 9:15

Sadari painte so i dilehen Tuhan do tona tu si Samuel,

JESAYA 18:4

“Pohom do Au mangaligi sian ingananKu, nada marsora songon nambur di hatiha logo ni ari di sabion, songon pangkohom ni mataniari di arian.