AMOS 2:3 - BIBEL JAMITA NA DENGGAN

³ PangabisonKu ma angka parkuaso sian tonga-tonga ni halahi jana bunuonKu ma ia rap dohot angka pamimpin ni luat i,” ninna Tuhan.

AMOS 2:3 Referans Kwoze

JEREMIA 48:7

Moab! Dipangasahon ho ma hagogoan dohot sinadonganmu. Hape anggo saonnari taluhonon noma ho. Obanon ma tu habuangan i ma Kamos debatami rap dohot angka malimna maradu angka na mora-mora.

BILANGAN 24:17

Madung huida na giot masa muse di Israel. Sada raja na marasal sian Israel. Giot ro songon parbincar ni bintang, sada bintang na marlalai, na marsinondang. Pamimpin ni Moab giot libasonnia angka bangso Set giot taluhononnia.

JEREMIA 48:25

Madung diripukkon gogo ni Moab, jana disargehon kuasona. Au Tuhan, madung mandok songon i.”

JESAYA 40:23

Nada margogo dibaen Ia angka parkuaso angka halak na godang agoan kuaso.

MASMUR 2:10

Jadi hamu angka raja, parrohahon hamu ma, ingot ma hamu di poda on, hamu ale angka na markuaso!

JOB 12:21

Dipaila Ia angka pangarajai, jana dipaujung Ia daulat ni halahi.

MASMUR 141:6

Muda dipasahat halahi tu angka panguhumna, baru pe anso botoon ni halahi na tutu do hatangki.

AMOS 5:7

Marjaya ma hamu, angka na pabalik-balikkon hatigoran dohot na mamogo hak ni halak!

AMOS 5:12

Huboto do sanga songon dia godang ni hajahatanmunu dohot bahat ni dosamunu. Disosak hamu do halak na burju; dijagit hamu do sogok jana dipadiar hamu do dibaen na so tigor tu halak na pogos di paruhuman.

AMOS 6:12

Tarbaen kudo ma he marlojong di dolok batu? Unjung ma he mambajak halak di laut mamake lombu? Hape anggo hamu dipabalik-balik hamu do hatigoran lopus gabe rasun na mamatehon.