AMOS 2:1 - BIBEL JAMITA NA DENGGAN

¹ Songon on ma didok Tuhan, “Hara ni na dung mardosa halak Moab marhite tolu hajahatan, lopus tu opat hajahatan, nada tarikonKu be haputusanKi, angke madung ditutungi halahi holi-holi ni Raja Edom gabe hapur.

AMOS 2:1 Referans Kwoze

AMOS 2:4

Songon on ma didok Tuhan, “Hara ni na dung mardosa halak Juda marhite tolu hajahatan lopus tu opat hajahatan, nada tarikonKu be haputusanKi. Dilaosi halahi do angka parenta ni Tuhan, jana nada dimomosi halahi haputusanNia. Lilu do halahi dibaen angka debata na nisomba ni angka ompu ni halahi.

AMOS 1:3

Didok Tuhan ma, “Marpupu do halak Damaskus mardosa, hara ni i angkon hona uhum halahi Hubaen. Santak do kejamna pambaen ni halahi tu halak Gilead.

JESAYA 25:10

Ondihonon ni Tuhan ma Dolok Sion, tapi anggo Moab dege-degeonNia do songon durame di inganan ni rompak.

AMOS 2:6

Songon on ma didok Tuhan, “Hara ni na dung mardosa halak Israel marhite tolu hajahatan lopus tu opat hajahatan nada tarikonKu be haputusanKi, angke digadis halahi do angka halak na tigor hara ni hepeng jana halak na pogos hara ni sapasang solop.

AMOS 1:13

Didok Tuhan, “Marpupu do mardosa halak Amon, hara ni i angkon hona uhum halahi baenonKu. Di na marporang halahi laho pabidang tano ni halahi, dilapa halahi do angka ina na denggan pamatangna di Gilead.

AMOS 1:11

Didok Tuhan, “Marpupu do mardosa halak Edom, hara ni i angkon hona uhum halahi baenonKu. Nada pakeonKu ibo ni roha, madung diporangi halahi halak Israel, angka kahanggi ni halahi i. Manigor muruk do halahi jana tongtong marhosom.

AMOS 1:9

Didok Tuhan, “Marpupu do mardosa halak Tirus, hara ni i angkon hona uhum halahi Hubaen. Dioban halahi do himpal sada bangso tu habuangan, jana dipasahat halahi tu Edom; dilanggar halahi do parjanjian parale-aleon.

PODA 15:3

Diida Tuhan do sudena na tarjadi di sude inganan; diparrohahon Ia do sudena na denggan dohot na jat.

MIKA 6:5

“Ale bangsongKu, ingot hamu ma sanga aha na nisangkapan ni si Balak raja ni Moab i tu hamu, jana aha do alus ni si Bileam anak ni si Beor i tusia. Ingot hamu ma sanga aha na tarjadi di pardalanan antara ni parbandaran na di Sitim dohot na di Gilgal. Anggo diingot hamu do sudena i, torang do botoonmunu sanga aha na dung Hupatupa laho paluahon hamu.”

AMOS 1:6

Didok Tuhan ma, “Marpupu do mardosa halak Gasa, hara ni i angkon hona uhum halahi baenonKu. Dioban halahi do himpal sada bangso, jana digadis halahi ma i gabe hatoban tu halak Edom.

JESAYA 11:14

Rap mamorangi noma halahi tu halak Pilistin na di Hasundutan jana mangarampasi angka bangso na di Habincaran. Taluhonon ni halahi ma bangso Edom dohot Moab, dohot bangso Amon pe tunduk ma tu halahi.

2 RAJA-RAJA 3:9

Jadi kehe ma Raja Joram rap dohot raja ni Juda dohot raja ni Edom. Jadi dung jabat pitu ari halahi na mardalan i, abis ma aek, gabe nada adong be inumon ni parangan dohot binatang na nibobanan.

JESAYA 16:6

Didok bangso Juda ma, “Madung hami bege sanga songon dia ginjang ni roha ni Moab. Hami boto do na gakgak halahi jana na bunggal, hape hatana na teal i na so marisi bagi aha do i.”