AMOS 1:6 - BIBEL JAMITA NA DENGGAN

⁶ Didok Tuhan ma, “Marpupu do mardosa halak Gasa, hara ni i angkon hona uhum halahi baenonKu. Dioban halahi do himpal sada bangso, jana digadis halahi ma i gabe hatoban tu halak Edom.

AMOS 1:6 Referans Kwoze

AMOS 1:11

Didok Tuhan, “Marpupu do mardosa halak Edom, hara ni i angkon hona uhum halahi baenonKu. Nada pakeonKu ibo ni roha, madung diporangi halahi halak Israel, angka kahanggi ni halahi i. Manigor muruk do halahi jana tongtong marhosom.

2 JUJUR TAON 28:18

Laing di hatiha i manyaroso muse ma angka halak Pilistin tu angka kota na di pat ni dolok na di sabola Hasundutan dohot na di luat sabola Selatan ni Juda. Dibuat halahi ma kota Bet-Semes, Ayalon dohot Gederot, dohot angka kota Soko, Timna dohot Gomso maradu angka pagaran na humaliang kota na tolu i, lalu maringanan halahi disi.

OBAJA 1:11

Jongjong ho di na dao, di ari pangarorak ni musu di pintu ni Jerusalem laho manaluhon kota i. Hohom sajo do ho di na nioban ni halahi sude sinadongan ni Jerusalem jana dibagi-bagi sudena i di halahi. Sarupa do jahatmu dohot musu i.

AMOS 1:9

Didok Tuhan, “Marpupu do mardosa halak Tirus, hara ni i angkon hona uhum halahi Hubaen. Dioban halahi do himpal sada bangso tu habuangan, jana dipasahat halahi tu Edom; dilanggar halahi do parjanjian parale-aleon.

1 SAMUEL 6:17

Marhite na songon i madung ditongos halak Pilistin haul panobus dosa tu Tuhan di halak na mangingani kota na lima na niparenta ni raja Pilistin na lima i. I ma angka kota: Asdod, Gasa, Askelon, Gat dohot Ekron.

JOEL 3:6

Halak Juda dohot Jerusalem dioban hamu dao sian tanona; dung i digadis hamu tu halak Junani.

JEHESKIEL 35:5

Sian najolo dihosomi hamu Israel jana dipadiar hamu hona sambol halahi di na hona parmaraan hara ni uhuman na parpudi patunda ni dosa ni halahi.

ZAKARIA 9:5

Idaon ni halak Askelon ma i dohot Gasa jana gabe mabiar ma halahi. Laing idaon ni Ekron ma i jana mago ma sude arop ni rohana. Agoan raja ma Gasa, jana Askelon gabe maronco nada adong na mangingani.

AMOS 1:3

Didok Tuhan ma, “Marpupu do halak Damaskus mardosa, hara ni i angkon hona uhum halahi Hubaen. Santak do kejamna pambaen ni halahi tu halak Gilead.

JEREMIA 47:1

Taran so diporangi raja Mesir dope Gasa mangkuling ma Tuhan tu au salaho tu tano Pilistin.

BAENON NI ANGKA RASUL 8:26

Ro ma sada surusuruan ni Tuhan mandok tu si Pilipus, “Jongjong ma ho! Kehe ma ho tu sabola Selatan dalan siboluson sian Jerusalem tu Gasa.” Dalan na dung tarulang do i.

JOEL 3:4

Na giot bia do baenonmu Au, ale Tirus, Sidon, dohot sandok Luat Pilistin? Na giot palalu hosom dehe ho tu Au? Jagit ma pamalosonKu na tompu harorona muda dibaen ho na songon i.

AMOS 1:7

Hara ni i tongosonKu ma api tu angka tembok ni kota Gasa, jana surbuonKu sude angka bentengna.