3 JOHANNES 1:9 - BIBEL JAMITA NA DENGGAN

⁹ Madung hubaen sada surat na pendek tu parlagutan i, hape nada ra si Diotrefes na marpor ni roha gabe pamimpin ni parlagutan i mangihutkon na hudok.

3 JOHANNES 1:9 Referans Kwoze

LUKAS 9:48

Dung i didok Ia ma tu halahi, “Sanga ise na manjagit dakdanak on hara ni Au, dos do i dohot na manjagit Au. Dung i, sanga ise na manjagit Au, sarupa do i na manjagit na marsuru Au muse. Angke sanga ise na ummenek sian hamu, ia do na gumodang!”

MARKUS 9:34

Tapi nada dialusi halahi. Harana di tonga dalan i ma martangkangi halahi, taringot tu sanga ise na gumodang sian halahi.

3 JOHANNES 1:8

Antong, tama do tajagit halak na songon i, anso gabe dongan saparkarejoan ni halahi hita di hasintongan i.

SURAT NI SI PAULUS TU PARLAGUTAN ROM 12:10

Tangkas ma hamu antong marsihaholongan sama hamu songon halak na martinadohon, jana marsijolo-joloan ma hamu marsipasangapan.

MARKUS 9:37

“Sanga ise na manjagit dakdanak na songon on hara ni Au, na manjagit Au do i. Dung i, sanga ise na manjagit Au, nada Au sajo na nijagitnia disi tapi dohot muse do dijagit ia Debata na marsuru Au.”

MATEUS 7:8

Harana, angkon manjagit do halak na torus mangido. Angkon dapotan do halak na torus manjalahi. Jana na torus manuktuk pintu, angkon dibuka do pintu i disia.

KOLOSSE 1:18

Ia do ulu ni pamatang i, i ma parlagutan i, angke Ia do na mangalehen ngolu tu parlagutan i. Ia do siangkaan na dipangolu mangulahi sian hamatean, hara ni i muse ma umbaen na gabe Ia na umporlu sian sasudena na adong.

2 JOHANNES 1:9

Sanga ise na so maringan di pangajaran ni Kristus i, tapi na kehe manyimbil sian na niajarkon ni Kristus, nada marsada halak na songon i dohot Debata. Halak na sai tongtong di bagasan pangajaran ni Kristus, astuanna na marsada do ia tongtong tu Ama i dohot tu Anak i muse.