2 SAMUEL 9:7 - BIBEL JAMITA NA DENGGAN

⁷ Didok si Daud ma, “Ulang mabiar ho. Haburjuon do na giot baenonku tu ho marningot si Jonatan, amangmi. Hupaulak ma tu ho sude tano ni ompungmu si Saul, jana mangan di bagas godang noma ho torus.”

2 SAMUEL 9:7 Referans Kwoze

2 SAMUEL 9:1

Sanoli marsapa ma si Daud, “Adong dope ulaning jolma na mangolu sian bagas ni si Saul? Sugari adong dope, por do rohangku nian mambaen na denggan tu halahi hara ni si Jonatan.”

1 RAJA-RAJA 2:7

Tapi tu angka anak ni si Barsilai na sian Gilead i denggan baen tu halahi. Tolongi ma halahi markite-hite na mangalehen ngolu ni halahi, angke denggan do dibaen halahi tu au di na maporus au sian angkangmu si Absalom.”

2 SAMUEL 9:3

Dung i disapai raja i ma, “Adong dope he jolma na mangolu sian bagas ni si Saul? Por rohangku mambaen na denggan tu halahi nian, songon na dung hujanjihon tu Debata.” Dialusi si Ziba ma, “Adong dope sahalak nari anak ni si Jonatan. Na matimpang do i.”

2 SAMUEL 19:28

Na patut do nian mate hona uhum baenon ni raja i sude koum sisolkot ni damang, tapi anggo au madung diisinkon raja i dohot mangan di bagas godang. Anggo saonnari nada puluk be au mangido bagi aha sian raja i.”

LUKAS 22:30

Tola ma hamu rap dohot Au marsonang-sonang di HarajaanKi. Jana juguhanmunu ma dua bolas habangsa laho manguhumi halak Israel sidua bolas marga i.”

MASMUR 41:9

Salang ale-aleniba na umdonok pe antong, halak na mangan rap dohot iba, madung mangalo tu iba.

2 RAJA-RAJA 25:29

Nada be mamake pakean ni halak na tarkurung ia. Jotjot do mangan ia di bagas godang jana dilehen do hepeng tu haporluan ni ngolunia.

HALUMBAAN 3:20

Ligi ma! Jongjong do Au di jolo ni pintu manektek. Muda adong halak na umbege sorangKi, gabe dibuka ia pintu i, masuk ma Au mandapotkon ia; mangan ma Au rap dohot ia jana ia rap dohot Au.

2 SAMUEL 12:8

Madung Hulehen di ho harajaan dohot angka dadaboru ni si Saul, jana Hubaen dope ho gabe raja di Israel dohot Juda. Sugari nian muda laing na hurang dope i, laing pasti do lehenonKu muse di ho sabahat ni i.

1 SAMUEL 12:24

Pasangap hamu ma Tuhan i jana mangoloi tuSia ma hamu di bagasan na tigor dohot sian sandok rohamunu. Ingot hamu ma angka pangalaho na godang na dung dibaen Ia di hamu.

PAMUNGKAAN 43:23

Didok parhobas i ma, “Ulang pola sak rohamunu disi. Ulang hamu mabiar, tontu na nipamasuk ni Debata do i mangulahi, tu bagasan harungmunu i, i ma Debata na nisomba ni amangmunu i. Na dung hujagit do garar ni ememunu i.”

MATEUS 6:11

Lehen ma di hami panganonnami na porlu sadari on,

2 SAMUEL 19:33

Didok raja i ma tusia, “Dohot ma ho rap dohot au tu Jerusalem, hupatuk pe sanoli on haporluanmu disi.”

2 SAMUEL 9:11

Dialusi si Ziba ma tu raja i, “Hupatulus ma sude na niparentahon ni raja i.” Jadi mangan di bagas godang ma si Mefiboset, songon anak ni raja i sandiri.

PAMUNGKAAN 43:18

Disi dioban halahi masuk tu bagas ni gubernur i, mabiar be ma halahi jana marpikir, “Hara ni hepengta na nipaulakna i di bagasan angka harungta i di na ro parjolo hita tuson, hara ni i do umbaen na dioban hita tu bagas on. Hantamon ni halahi ma hita tompu, buaton ni halahi ma angka halodenta i jana baenon ni halahi ma hita gabe naposona.”

2 SAMUEL 9:10

Angkon karejohononmu dohot angka dakdanakmu do tano i baen di pangisi ni bagas ni si Saul tuanmi jana lehen ma pandapotan ni tanona i tu halahi laho manggohi haporluan ni balanjona. Tapi anggo si Mefiboset tongtong noma mangan di bagas godang.” (Adong do lima bolas halak anak ni si Ziba dohot dua pulu halak naposonia.)

2 SAMUEL 9:13

Songon i ma dalanna si Mefiboset na pengkor i patna na dua i gabe maringanan di Jerusalem jana sai tongtong ma ia mangan di bagas godang.

JEREMIA 52:33

Nada be mamake pakean sitarapan ia, jana somalna mangan di bagas godang do ia jana dilehen do hepeng disia baen haporluan ni ngolunia.

ZAKARIA 7:9

“Songon on ma hata ni Tuhan Na Markuaso i, ‘Karejohon ma angka tona na tigor jana maribo ni roha dohot marroha na denggan maradopkon donganmunu jolma.

1 SAMUEL 20:15

patuduhon ma tanda na burju ho tu pomparanku salolot-lolotna. Jana muda dironcohon Tuhan sude musumu,

1 SAMUEL 22:23

Tongtong ma ho rap dohot au, jana ulang ho mabiar. Sai giot bunuon ni si Saul do ho, tapi au pe laing na giot bunuonnia muse do: Jadi, sonang ma ho di ingananku.”

2 SAMUEL 19:29

Dialusi raja i ma, “Nada porlu be dokkononmu sanga na aha be. Madung huputuskon do mambagi sandok arta ni si Saul di ho dohot si Ziba.”

2 SAMUEL 21:7

Tapi hara ni na dung marsumpa be si Daud dohot si Jonatan, nada dipasahat si Daud be anggo si Mefiboset anak ni si Jonatan i.