2 SAMUEL 7:12 - BIBEL JAMITA NA DENGGAN

¹² Tu joloan on, muda dapot ma ajalmu, jana ditanom ho di inganan ni ompumu, angkatonKu do sada sian anakmi na gabe raja.

2 SAMUEL 7:12 Referans Kwoze

BAENON NI ANGKA RASUL 2:30

Madung dijanjihon Debata tu si Daud mardongan sumpa paboa na adong sahalak sian pomparan ni si Daud baenon ni Debata gabe raja. Hara ni na dung diboto si Daud janji i boti hara ni panurirang do ia,

1 RAJA-RAJA 8:20

Antong saonnari madung dipatulus Tuhan i janjiNa. Madung gabe raja au di Israel manggonti damang, jana madung hupajongjong muse bagas parsombaan di Tuhan Debata ni Israel.

1 RAJA-RAJA 2:1

Dung dihilala si Daud donok noma ajalnia, dipio ia ma si Salomo, anaknia i, laho mangalehen angka tonania na parpudi tusia. Ninna si Daud ma,

BAENON NI ANGKA RASUL 13:36

Madung mate si Daud jana ditanom muse rap dohot angka ompunia, dung dibaen ia sanga aha na nisuruhon ni Debata baenonnia. Abis muse do sude malangke pamatang ni si Daud.

1 JUJUR TAON 17:11

Sanoli on di hadudumpang ni ajalmu, di na dikubur ho rap dohot ompumunu, baenonKu ma sahalak sian anakmi gabe raja. Ia ma na giot pajongjongkon bagas di Au jana patoguonKu ma harajaannia sapanjangna.

PANGARATAION 31:16

Didok Tuhan ma tu si Musa, “Nada pola sadia lolot nari marujung ma ngolumu. Dung salpu hamamatemu, nada setia be bangso Israel tu Au jana gagaan ni halahi ma parjanjian na Hubaen i dohot halahi. Tadingkonon ni halahi ma Au laho mamele tu angka debata na asing na nisomba ni angka na maringanan di tano na so sadia lolot nari be masuhanmunu.

1 TESSALONIKA 4:14

Tahaporsayai do, anggo Jesus madung mate jana mulak mangolu. Hara ni i ma umbaen na gabe tahaporsayai, obanon ni Debata muse do sude angka na monding i na porsaya tu Jesus anso rap dohot Ia.

1 KORINTUS 15:51

Ligi da, hupaboa ma sada rahasia di hamu: Nada jabat mate hita sude tapi nipauba ma hita sudena.

JESAYA 11:10

Dapot do hatihana, ro sada raja pomparan ni si Daud na gabe pamusatan ni roha ni angka bangso. Marlagut ma halahi di kota ni harajaan jana mangalehen sangap tusia.

JESAYA 9:7

Mur tu godangna do kuasonia, jana tongtong dame harajaannia. Ia ma raja na songon panggonti ni si Daud, marojakan tu hatigoran dohot hasintongan do harajaannia sian mulai saonnari lalu tu salolotna. Angkon tulus sudena i baenon ni Tuhan Na Markuaso i.

1 RAJA-RAJA 1:21

Anggo nada dipaboa raja i, tontu dung mate raja i, au ma dohot anakki baenonna songon halak parjahat.”

DANIEL 12:2

Bahat do sian halahi na dung mate mulak mangolu muse; deba ma i tu hangoluan na manongtong, jana deba nari tu habilean na manongtong muse.

MASMUR 89:29

Salolot adong langit di ginjang tano martahan do habangsania, jana pomparanna sandiri manjuguhisa.

PAMUNGKAAN 15:4

Dung i dibege si Abram ma mangulahi hata ni Tuhan tusia, “Nanggo hatobanMi na manean sinadonganmi, tapi anakmu sandiri do na gabe panean di ho.”

MATEUS 1:1

Songon on ma tarombo ni angka ompu na umpompar Jesus Kristus, pomparan ni si Daud, pomparan ni si Abraham. Sian si Abraham lalu tu si Daud dapot ma angka goar na di toru on:

LUKAS 1:32

Gabe magodang ma Ia jana digoari ma Ia Anak Ni Debata Na Gumincat. Gabe raja ma Ia baenon ni Debata songon si Daud ompuNa i.

LUKAS 24:27

Dung i dipatorang Jesus ma tu halahi sanga aha na nidok taringot tuSia di bagasan Buku Na Badia i, mamungka sian Buku Ni si Musa lopus tu buku-buku ni angka panurirang.

1 RAJA-RAJA 1:48

lalu martangiang, ‘Puji-pujian ma di Tuhan Debata na nisomba ni halak Israel. Sadari on madung huangkat sahalak sian pomparanku gabe raja manggontihon au. Jana dipaloas Ho dope au mangolu anso tarsaksihon au i!’ ”

1 RAJA-RAJA 2:4

Muda dioloi ho Tuhan i, patulusonNia do janjiNia, i ma pomparanku gabe mamarenta di Israel, asal ma sude halahi sian sandok roha dohot ngolu ni halahi sai tongtong burju patulus angka parentaNia.”

1 RAJA-RAJA 5:5

Madung dijanjihon Tuhan tu damang si Daud, ‘Anakmu na giot angkatonKi gabe raja gontimu, i do na giot pajongjong bagas paribadatan di Au.’ Hara ni i, Raja Hiram na niparsangapan, au si Salomo, madung huputuskon laho pajongjong bagas i.

1 RAJA-RAJA 8:15

Didokkon si Salomo ma, “Nahinan madung marjanji Ho Tuhan tu damang si Daud songon on, ‘Sian dung Huoban bangsongKu ruar sian Mesir, di sude luat ni Israel, nada adong sada pe kota na Hupili na gabe inganan na angkon disi pajongjongon bagas parsombaan tu Au. Tapi ho ale Daud, madung Hupili ho laho mamarenta bangsongKu.’ Pinuji ma Tuhan Debata ni Israel na dung patulus janjiNa i!”

1 RAJA-RAJA 8:19

Tapi nada ho, angkon anakmu do na pajongjong bagasKi.’ ”

1 RAJA-RAJA 9:5

patulusonKu do janjingKu na tu amamu si Daud i bahaso na tongtong do adong sahalak sian pomparanNia na gabe raja di Israel.

2 RAJA-RAJA 8:19

Tapi nada ra Tuhan mambaen marmara Juda hara ni na dung dijanjihonNia humani tu si Daud naposoNia i, na manongtong do anggo pomparannia gabe raja.

2 JUJUR TAON 1:9

Saonnari, ale Tuhan Debata, sai patulus ma baga-bagaMu tu damang i. Madung diangkat Ho au gabe raja di ginjang ni bangso na godang na so taretong be bahatna.

2 JUJUR TAON 13:5

Diboto hamu do na dung mamudun janji Tuhan, Debata ni Israel dohot si Daud bahaso na giot mamarenta ia dohot pomparannia di Israel salolot-lolotna. Nada tarbaen sundat janji i.

2 JUJUR TAON 21:7

tapi nada ra Tuhan mamusa raja na sian pomparan ni si Daud hara ni na dung marjanji Ia mandok sai na tongtong do mamarenta anggo pomparan ni si Daud.

2 JUJUR TAON 23:3

Marlagut ma halahi di Bagas Ni Debata, jana dibaen halahi ma parjanjian dohot si Joas, anak ni raja i. Didok si Joyada ma tu halahi, “On ma ibana anak ni mandiang i Raja Ahasia! Angkon juguhannia ma saonnari habangsa i, dibaen madung dijanjihon Tuhan bahaso na totop do mamarenta pomparan ni Raja Daud.

2 SAMUEL 22:51

Mulahulak dilehen Debata hamonangan na marlobian tu raja. Manongtong do holong ni rohaNa tu raja na nipiliNia, tu si Daud maradu pomparanna sapanjangna.

1 RAJA-RAJA 2:10

Dung i marujung ma ngolu ni si Daud jana dikuburkon di Kota Ni si Daud.

2 JUJUR TAON 6:9

Tapi nada ho, anakmu do na giot pajongjongkon BagasKi.’

2 JUJUR TAON 6:15

Dipatulus Ho do janjiMu tu damang si Daud; sadari on ma dipatulus Ho sude hata na hupajojor i.

JEREMIA 33:17

Au Tuhan, marjanji do Au paboa na tongtong adong sada raja di Israel sian pomparan ni si Daud;