2 SAMUEL 6:11 - BIBEL JAMITA NA DENGGAN

¹¹ Tolu bulan honokna disi Poti Parjanjian i, jana dipasupasu Tuhan do si Obed-Edom dohot dongan sabagasnia.

2 SAMUEL 6:11 Referans Kwoze

PAMUNGKAAN 39:5

Mamungka sian hatiha i, hara ni si Josep, dipasupasu Tuhan ma halak Mesir na sabagas i dohot sude sinadongannia na di bagas sanga pe na di ladang.

PAMUNGKAAN 30:27

Didok si Laban ma tusia, “Tangihon ma jolo hatangkon: Madung dipaboa sada halak partondung tu au, na dipasupasu ni Tuhan au hara ni ho.

MALEAKI 3:10

Oban hamu ma parsampuluanmunu i tu BagasKu anso adong disi mardapot-dapot sipanganon. Uji hamu ma Au, jadi gabe idaonmunu ma Huungkap angka pintu ni banua ginjang jana pagukguhonKu sandok na denggan tu hamu, ninna Tuhan Na Markuaso.

PAMUNGKAAN 39:23

Nada pola porlu be anto-antoan ni kapala ni hurungan i sandok karejo na nipasahat tu si Josep, dibaen Tuhan do mandongani ia gabe manjadi ma sude karejonia i.

2 SAMUEL 6:10

Jadi gabe diputuskon noma na so obanon be Poti i tu Jerusalem, tapi dipasimpan noma di bagas ni si Obed-Edom, halak na lolot maringanan di kota Gat.

1 JUJUR TAON 26:4

Na mangihut ditodo ma si Obed-Edom: Dipasupasu Debata do ia salapan anaknia na tarsurat mangihutkon parjojor ni umurna: Si Semaya, si Josabad, si Joah, si Sakar, si Netaneel,