2 SAMUEL 3:3 - BIBEL JAMITA NA DENGGAN

³ Si Kileab. Inangna si Abigail tading-tadingan ni si Nabal na sian Karmel. Si Absalom. Inangna si Maaka boru ni Raja Talmai sian Gesur.

2 SAMUEL 3:3 Referans Kwoze

1 SAMUEL 27:8

Di hatiha i, na jotjotan do si Daud dohot parangannia mamorangi halak Gesur, halak Girsi dohot halak Amalek na maringanan di luat i. Diroro ia do tu tano ni halahi lalu tu Sur, sapanjang dalan tu Mesir,

1 JUJUR TAON 3:1

Angka anak ni si Daud na sorang di Hebron mangihutkon parjojor ni umurna i ma: Si Amnon – tubu ni si Ahinoam boru ni si Jisreel Si Daniel – tubu ni si Abigail boru ni si Karmel Si Absalom – tubu ni si Maaka boru ni si Talmai raja ni Gesur Si Adonia – tubu ni si Hagit Si Sefaca – tubu ni si Abital Si Jitream – tubu ni Egla

2 SAMUEL 2:2

Jadi kehe ma si Daud tu Hebron rap dohot dadaborunia na dua i: Si Ahinoam na sian Jisreel, dohot si Abigail tading-tadingan ni si Nabal na sian Karmel i.

1 SAMUEL 25:42

Dung i manigor diompoti ia ma marhobas. Manaek ma ia tu halodenia, diihutkon lima halak dadaboru naposonia, kehe ma ia mangihutkon suruan ni si Daud i, jadi gabe dadaboru ni si Daud ma ia.

1 SAMUEL 25:3

Goarnia i ma si Nabal – si Abigail do goar ni dadaborunia. Na malo do si Abigail boti jeges. Hape anggo si Nabal, kasar do tabiatnia, jana jatjat do pangalahona. Sian horong ni si Kaleb do ibana.

JOSUA 13:13

Tapi anggo halak na maringanan di Gesur dohot Maaka nada diusir angka halak Israel; laing maringanan di Israel do halahi.

PANGARATAION 3:14

Si Jair na sian Marga Manase, mambuat sude Luat Argob, i ma Basan lopus tu parbalohan ni Gesur dohot Maaka. Dibaen ia ma goar ni angka huta i mangihutkon goarnia sandiri, jana lopus saonnari laing tarbarita do i angka huta ni si Jair.)

2 SAMUEL 18:33

Umbege i, marsak sajo ma roha ni raja i, lalu manaek ma ia tu inganan na di ginjang ni pintu horbangan i tangis jana mangandungi ma ia, “Oi anakki! Anakku si Absalom i! Si Absalom anakki! Gumonan do au mate manggontihon anakki! Si Absalom anakki!”

2 SAMUEL 14:24

Tapi nada dipatola raja i si Absalom maringanan di bagas godang. “Nada ra au mangaligi i,” ninna raja i. Jadi torus mulak tu bagas do si Absalom, jana nada pola mangadop be ia tu raja i.

2 SAMUEL 13:1

Adong do sada iboto ni si Absalom, anak ni si Daud, goarna si Tamar, na nitadohon ni si Absalom. Tubu ma di roha ni si Amnon, anak ni si Daud sian dadaborunia na asing, manghaholongi si Tamar

2 SAMUEL 14:32

Dialusi si Absalom ma, “Hara ni na so ra i do ho ro di na husuru pio i. Na giot suruonku do ho nian mangadop tu raja i laho palaluhon sapa-sapangkon. ‘Aha do gunana morot au sian Gesur di na ro au tuson? Gumonan hian do laing disi au.’ ” Dung i dipaudut si Absalom ma, “Usahahon ma anso tarbaen au mangadop tu raja i, jana muda laing na marsala dope au, rade do au mate hona uhum.”

2 SAMUEL 15:7

Dung salpu opat taon, didok si Absalom ma tu Raja Daud, “Amang, paloas ma au jolo kehe tu Hebron laho patulus janjingku tu Tuhan.

2 SAMUEL 15:8

Harana dompak na di Gesur na di Siria i au maringanan, marjanji do au tu Tuhan mandok, muda dipaloas Tuhan au mulak tu Jerusalem, angkon kehe do au maribadat tuSia di Hebron.”

1 RAJA-RAJA 2:15

Dialusi si Adonia, “Diboto ho do inang, au do na patut gabe raja, songon i do pikiran ni sude halak Israel. Hape balik na do na tarjadi, anggingku do na gabe raja angke i do hagiot ni Tuhan.

2 SAMUEL 14:23

Dung i kehe ma si Joab tu Gesur mangalap si Absalom mulak tu Jerusalem.