2 SAMUEL 3:1 - BIBEL JAMITA NA DENGGAN

¹ Sai torus do mardalan parporangan antara ni parangan na mampartahankon horong ni si Saul dohot parangan na manyokong si Daud. Mur margogo ma si Daud, tapi mur gale ma anggo alonia i.

2 SAMUEL 3:1 Referans Kwoze

1 RAJA-RAJA 14:30

Salolot si Rehabeam mamarenta, sai adong do porang antara ni si Rehabeam dohot si Jerobeam.

JOB 8:7

Nada sadia i, sinadonganmu na mago martimbangkon sijagitonmu di na ro.

2 SAMUEL 2:17

Dung i tarjadi ma parporangan, jana talu ma si Abner dohot tentara ni Israel i dibaen parangan ni si Daud.

EPESUS 6:12

Angke nada marporang hita mangalo jolma, tapi na laho mangalo gogo ni angka setan na markuaso di hatiha na jahat on do. Angka tondi na jahat na mangkuasoi awang-awang i do na taalo.

MASMUR 84:7

Gogo ni halahi mur martamba, dompak na mardalan tu Sion laho mangadop tu Debata.

JOB 17:9

Angka halak na denggan dohot na so marsala, mur marpos ni roha di pardangolan ni ngoluna na tumbuk tu Debata.

GALATIA 5:17

Harana maralo do bakomunu na jat i tu hagiot ni Tondi Parbadia jana maralo muse do hagiot ni Tondi Parbadia tu bakomunu humani na jat i. Marsialoan do na dua i, gabe inda tarpatulus hamu be sanga aha por ni rohamunu.

ESTER 6:13

Dicaritohon ia ma tu dadaborunia dohot angka dongannia na nitaonnia i. Dung i didok dadaborunia dohot angka dongannia na malo-malo i ma, “Ma mamungka gumale gogomu sian si Mordehai. Halak Jahudi do bayo i jana indangkan na taralo ho i. Pasti taluhononnia ho.”

1 RAJA-RAJA 15:32

Dompak si Baesa mamarenta di Israel, marpupu do masa porang antara ni si Baesa dohot Raja Asa na sian Juda.

1 RAJA-RAJA 15:16

Salolot Raja Asa mamarenta di Juda dohot Raja Baesa di Israel, sai na marpupu do masa porang antara ni raja na dua i.

PAMUNGKAAN 3:15

Marsihosoman ma ho dohot dadaboru i. Marsalisi ma torus pomparanna tu pomparanmu. Ropukkonon ni pomparannia ma ulumu jana turbingonmu ma tambihulna.”

HALUMBAAN 6:2

Jadi hupamanat ma, gabe huida ma sada kudo na bontar. Ditiop na manengget kudo i do sada sior jana dilehen ma tusia sada tuku. Ruar ma ia songon sada halak parmonang, na maju laho mambuat hamonangan i.

2 SAMUEL 2:28

Dung i diombus si Joab ma sarune na gabe tanda di parangan i anso mantak mangkojar halak Israel. Jadi mantak ma porang i.

2 SAMUEL 5:10

Mur lolot, mur gogo do si Daud, angke diurupi Tuhan Debata Na Markuaso i do ia.

2 SAMUEL 22:44

Dipalua Ho do au sian dongan sabangso na durako, dibaen Ho do au gabe parkuaso ni angka bangso. Bangso na so hutanda hian hatiha i, saonnari gabe hatoban di au halahi.

1 JUJUR TAON 11:9

Mur honok mur gogo ma si Daud, hara ni na sun gogo do Tuhan laho mangurupi ia.

ESTER 9:4

Sude do halak na di harajaan i mamboto sanga songon dia pangaruh ni si Mordehai di bagas godang jana mur martamba-tamba do kuasonia.

MASMUR 18:43

Dipalua Ho au sian bangso na durako, dibaen Ho do au raja ni angka bangso. Bangso na so hutanda nahinan, saonnari madung huparhatoban.

MASMUR 46:9

Diantak Ia do parporangan di tano on sudena, diropuk Ia angka parkokas ni porang jana ditutungi Ia.

2 SAMUEL 3:6

Di hatiha na sai torus mardalan porang i antara ni parangan ni si Daud dohot parangan na burju tu horong ni si Saul, marusaho ma si Abner anso ditangihon hatania di tonga-tonga ni na mamihak tu si Saul.

1 JUJUR TAON 3:1

Angka anak ni si Daud na sorang di Hebron mangihutkon parjojor ni umurna i ma: Si Amnon – tubu ni si Ahinoam boru ni si Jisreel Si Daniel – tubu ni si Abigail boru ni si Karmel Si Absalom – tubu ni si Maaka boru ni si Talmai raja ni Gesur Si Adonia – tubu ni si Hagit Si Sefaca – tubu ni si Abital Si Jitream – tubu ni Egla