2 SAMUEL 23:4 - BIBEL JAMITA NA DENGGAN

⁴ Songon mataniari bincar ia di andostorang di na mamungka langit marrara. Songon sondang ni mataniari do ia dung abis udan, mambaen duhut na mangarata marsilo-siloan.”

2 SAMUEL 23:4 Referans Kwoze

HAKIM-HAKIM 5:31

Sai mate ma nian angka musuMu, Tuhan, songon si Sisera, tapi sude donganMu sai magodang ma songon mataniari di angkasa. Dung i i sonang ma luat i opat pulu taon lolotna.

MASMUR 72:6

Sai songon udan na mijur di padang ma ia, songon udan potir na mambornoki tano.

HOSEA 6:5

Hara ni i do umbaen na Husuru angka panurirangKu laho palaluhon tu hamu haputusanKu na mandok angkon uhumon jana abiskonon noma hamu. Torang jana tangkas do na nipangido ni rohangKu sian hamu:

MASMUR 89:36

Martahan do habangsania salolot marsinondang mataniari, jana pomparannia sandiri manjuguki.

JOHANNES 1:7

Na manyaksihon taringot tu na torang i do na niharohonnia, anso sudena halak porsaya.

MALEAKI 4:2

Tapi anggo tu hamu angka na mangkabiari Au, songon mataniari bincar do kuasongKu na paluahon dohot padumpangkon hamamalum di hamu. Malua do hamu jana marjop ni roha songon anak ni lombu na baru dipalua sian barana.

MIKA 5:7

Angka halak Israel na tading dope di tonga-tonga ni angka bangso, tudos tu singa ma i na manjalahi panganonna di harangan sanga di padang-padang. Manyaroso ma singa i tu tonga-tonga ni punguan ni biri-biri, soroanna ma biri-biri i jana parsibakkononna; nada adong na ro mangurupi biri-biri i.

HOSEA 6:3

Hara ni i, tahaburjuhon ma laho mananda Tuhan. Pasti do ro Ia tu hita songon parbincar ni mataniari jana songon udan na mangaehi tano di ujung ni ari nonat.”

JESAYA 60:3

Marroan ma angka bangso tu hatiuranmu, tartarik ma angka raja hara ni habibincarmu na imbaru.

JESAYA 60:1

Jongjong ma ho, marsinondang ma ho, madung ro sinondang ni haluaanmu! Disondangi Debata ho marhite hamulianNa.

JESAYA 4:2

Ro do hatiha ni i baenon ni Tuhan sandok suan-suanan dohot hayu tubu lalu magodang boti jeges di luat on. Anggo di ari i marmoga-moga ma pangkilaan ni Israel jana godang rohana hara ni suha ni tano i.

PODA 4:18

Songon parbincar ni mataniari do anggo dalan na nibolus ni halak na denggan; mur lolot mur torang, jana ujungna ari pe gabe torang sajo.

MASMUR 110:3

Di ari haroromu mardongan kuaso maju ma rayatmu sian na nionjar ni rohana mardongan habadiaan. Songon ombun manyogot-nyogot marroan angka doli-doli mandapotkon ho.

PANGARATAION 32:2

Sai songon parmijur ni udan ma pangajaranku manetehi ma i songon ombun. Jana songon udan ma na hudokkon i tungkis tu suan-suanan na martumbik, songon panetek-netek ni udan di ginjang ni duhut na martubuan.

JESAYA 18:4

“Pohom do Au mangaligi sian ingananKu, nada marsora songon nambur di hatiha logo ni ari di sabion, songon pangkohom ni mataniari di arian.