2 SAMUEL 22:5 - BIBEL JAMITA NA DENGGAN

⁵ Dihaliangi gogo ni hamatean au, galumbang ni parmaraan mangalingkup au.

2 SAMUEL 22:5 Referans Kwoze

JUNUS 2:3

Tu inganan na umbagas, didanggurkon Ho do au, lopus tu tandolan ni laut bonom au. Dihuliangi husor ni aek i au disi, ombak dohot galumbang mangalingkupi.

HALUMBAAN 17:15

Dung i didok ia ma tu au, “Sude aek i, na niidamu juguhan ni panggampang i, i ma angka bangso dohot halak na bahat, angka marga dohot bahasa.

HALUMBAAN 17:1

Dung i ro ma sada sian surusuruan na pitu i na maniop sambong na pitu i, mangkobari dohot au ninna ma, “Beta, anso hupatidahon tu ho sanga na bia baenon manguhumi panggampang godang i, na juguk di ginjang ni aek na bahat.

1 TESSALONIKA 5:3

Muda hatiha didok halak, “Dame do sude jana marsonang-sonang,” jadi disi ma ompot didondoni hamagoan halahi! Nada tarbaen halahi be malua. Songon hancit ni pangkilalaan ni sada ina na giot hipas do hamamasa ni i.

JESAYA 59:19

Sian Habincaran lalu tu Hasundutan mabiar be noma halak mida Ia hara ni godang ni kuasoNia. Ro ma Ia songon batang aek na doras sanga songon alogo na gogo.

MASMUR 18:4

Mara hamatean manghaliangi au ombak parmaraan mangaliputi au.

LUKAS 21:20

“Muda diida hamu dihobuk angka tentara kota Jerusalem, manigor botoonmunu ma sian i na so sadia lolot nari be, roncohononkon ma kota i.

MASMUR 42:8

Sai dipatuduhon Tuhan ma nian holong ni rohaNa na mamanjang di hatiha torang ni ari, anso tarbaen au marende di bornginna i, jana martangiang tu Debata haroroan ni ngolungki.