2 SAMUEL 22:10 - BIBEL JAMITA NA DENGGAN

¹⁰ Mabola langit i dibaenSa lalu mijur Ia, marhite ombun di toru ni patNia.

2 SAMUEL 22:10 Referans Kwoze

1 RAJA-RAJA 8:12

Gabe martangiang ma si Salomo, ninna ma, “Ho do na mambaen mataniari di langit, ale Tuhan. Tapi jopan do rohaMu tinggal di ombun na golap.

MASMUR 97:2

Ombun dohot hagolapan manggupgupi Ia, hatigoran dohot uhum do ojahan ni pangarajaionNia.

MASMUR 144:5

Ale Tuhan, buka ma langitMi jana mijur ma Ho, goit ma angka dolok i anso martimus.

HARURUAR 20:21

Tapi anggo angka jolma i laing mandao-dao do jongjong, jana hum sasada si Musa sajo do na mandonohi ombun na golap i di inganan parmianan ni Debata.

MATEUS 27:45

Mamungka kotu, tolu jom honokna, golap ma sude luat i.

NAHUM 1:3

Nada mopop muruk ni Tuhan; lobi do kuaso diSia jadi sanga ise na marsala nada dipalua Ia sian uhumanNia. Sanga na di dia Tuhan mardalan, disi do ro halingsungsung; jana abuan ni patNia do ombun.

MASMUR 104:3

diginjang ni aek di langit dipajongjong Ho bagasMu. Angka ombun do dibaen Ho karetaMu, na mardalan di ginjang ni habong ni alogo.

PANGARATAION 4:11

Baritahon hamu ma tu angka dakdanakmunu sanga songon dia parromunu lalu jongjong di pangkal ni dolok i na nitutupan ni timus na manggolap songon ombun na manyorop dohot api na gara-gara lalu tu langit.

HARURUAR 19:16

Di ari patoluhon, ro ma ronggur dohot hilap. Tarida ma ombun na hapal di ginjang ni dolok i jana habegean ma sora ni sarune na lobi gogo. Humitir ma sude halak na di bandar hara ni biarna.

JESAYA 63:19

Songon dia ma na so bangsoMu be hami songon na so mamarenta be Ho tu hami.