2 SAMUEL 20:8 - BIBEL JAMITA NA DENGGAN

⁸ Dung lalu halahi di batu na godang na di Gibeon, ro ma si Amasa mandapotkon halahi. Marpakean porang do si Joab, mamake podang na marsarung na tambat di gontingnia. Di na mardalan ia tu jolo, taldus ma sarung ni podang i gabe rumar ma podangna i tu tangan siambirangnia.

2 SAMUEL 20:8 Referans Kwoze

2 SAMUEL 3:30

Songon i ma dibaen si Joab dohot anggina si Abisai palalu hosomna tu si Abner hara ni na nibununia si Asael anggi ni halahi i di parporangan na di Gibeon.

2 SAMUEL 2:13

Si Joab (si Seruya goar ni inangna) rap dohot parangan ni si Daud na deba nari, laing kehe tusi muse. Gabe marsiadopan ma halahi di ambar Gibeon. Si Abner dohot donganna juguk sabola on, si Joab dohot donganna di ipar na sada nari.

MATEUS 3:4

Sian imbulu ni unto do dibaen pakean na nipake ni si Johannes on. Bobatnia sian bobak. Siapor dohot aer ni loba do panganonnia.

HAKIM-HAKIM 3:16

Sanoli dibaen si Ehud ma sada podang disia. Sidua baba do podang i, jana ginjangna mardonok do satonga meter. Disandangkon si Ehud ma podang i di siamunnia di bagasan bajunia i