2 SAMUEL 15:3 - BIBEL JAMITA NA DENGGAN

³ gabe didok si Absalom ma, “Sapanjang uhum, tigor do nian ho, tapi bia ma baenon, nada adong wakil ni raja i na laho manangihon parkaromu.”

2 SAMUEL 15:3 Referans Kwoze

2 PETRUS 2:10

lumobi ma i angka jolma na mangoloi angka hagiot na pahodarkon dirina, jana mangincahi harajaan ni Tuhan i. Puluk-puluk do angka guru pargabus i jana ginjang-ginjang do roha ni halahi; nada pola alang roha ni halahi mangalayasi Na Sangap i.

1 PETRUS 2:17

Pantun ma hamu tu sude halak, haholongi hamu ma donganmunu sahaporsayaan tu Kristus. Habiari hamu ma Debata jana pasangap ma Kesar i.

BAENON NI ANGKA RASUL 23:5

Dialusi si Paulus ma, “Na so huboto do ia Malim Godang. Tutu do i adong tarsurat, ‘Ulang palayas pamimpin ni bangsomu.’ ”

MATEUS 15:4

Harana didok Debata do, ‘Pantun ma ho tu amangmu dohot tu inangmu.’ ‘Sanga ise na mandok hata na so ture tu amangna sanga tu inangna, angkon mate do i niuhuman.’ ”

DANIEL 11:21

Didok surusuruan i muse ma tu au, “Raja na mangihut mamarenta di Siria i ma sada halak na jahat na so patut gabe raja. Tapi ro do ia sian na so pamotoan jana dirampas ia ma harajaan sian raja i marhite sipaoto-oto.

JEHESKIEL 22:7

Sahalak pe so adong halak na mangingani ho na pasangapkon simatobangna. Dikicu ho do halak jana dihaut ho untung sian hasusaan ni na mabalu dohot na so marama so marina.

PODA 30:17

Halak na mangincahi amangna sanga inangna na dung matobang, patutna do disampakkon tu ruar anso diturbing sigawak matana i jana dipangan rajawali bangkena i.

PODA 30:11

Adong do halak na pasumpahon amangna jana na so mangargahon inangna.

PODA 12:2

Dihajopkon Tuhan do halak na burju, tapi diburai Ia do halak na paoto-otohon.

MASMUR 12:2

Sude do halahi, marsigabusan, manipu dohot angka hata na tabo tu parbinegean.

2 SAMUEL 8:15

Songon i ma si Daud mamarenta di sude Israel jana dijago ia do rayatnia i anso sai dipatupa na tigor dohot na denggan tu halahi.

BILANGAN 16:3

Rap kehe ma halahi mandapotkon si Musa dohot si Harun lalu didok halahi, “Musa, tangihon jolo: Ganop jolma di bangso Israel na dung hapunjungan ni Tuhan do i. Jana di tonga-tonga ni hita sude do Tuhan i. Hape biasi dietong ho gumincat ho sian sude halak ni Tuhan i? Sude na binaenmu madung manyalpui aturan.”

HARURUAR 21:17

Sanga ise na mamurai amangna sanga inangna angkon mate niuhuman.

HARURUAR 20:12

Pasangap ma amangmu dohot inangmu, anso ginjang umurmu di tano na nilehen ni Tuhan Debatamu di ho.

2 SAMUEL 15:4

Laing ditamba ia muse, “Sugari au ma antong na gabe hakim! Ganop halak na adong parsalisianna sanga tuntutanna, tarbaensa ma ro tu au jana tigor ma baenonku i.”