2 SAMUEL 13:18 - BIBEL JAMITA NA DENGGAN

¹⁸ Dibaen pangoloinia ma parentania i. Anggo si Tamar marbaju juba na ginjang do ia jana na martangan panjang. Songon i do somalna pakean ni angka bujing-bujing na so marbagas dope di hatiha i.

2 SAMUEL 13:18 Referans Kwoze

HAKIM-HAKIM 5:30

“Na marbagi-bagi barang na dapot dirampas do halahi, ganop parajurit mandapot dua be bujing-bujing. Disi Sisera ma bahan ni baju na ummarga, salendang sulaman na marragam tompa ma tu rungkung ni ratu.”

PAMUNGKAAN 37:3

Humolong do roha ni si Jakob mida si Josep ulang mida anaknia na asing i, harana ma matobang si Jakob di parsorang ni si Josep. Di sada hatiha dipabaenkon si Jakob ma sada baju juba na lobi jeges di si Josep.

PAMUNGKAAN 37:32

Dung i dioban halahi ma baju i tu amang ni halahi. Ninna halahi ma, “Na dapot hami do juba on. Anak ni amang i do nampuna on?”

PAMUNGKAAN 37:23

Jadi da, dung lalu si Josep tu angka angkangnia i, direkrek halahi ma baju juba ni si Josep na jeges i anso marbuka.

HAKIM-HAKIM 3:23

lalu ruar ma ia, ditutup jana dikunci ia pintu ni kamar i,

2 SAMUEL 13:17

Dipiohon ia ma pangoloinia sandiri jana didok ia tusi, “Oban anakboru on haruar, jana kuncihon pintu i!”