2 SAMUEL 12:16 - BIBEL JAMITA NA DENGGAN

¹⁶ Dung i ditangiangkon si Daud ma tu Tuhan anso malum dakdanak i. Puaso ma ia jana ganop borngin sai modom di lante ni biliknia ma ia sasaborngin.

2 SAMUEL 12:16 Referans Kwoze

2 SAMUEL 13:31

Jongjong ma raja i, disibakkon ia ma pakeannia hara ni marsakna, ditinggangkon ia ma dirinia tu lante i. Dohot do sude parhobasnia marsisibakkon pakeanna be.

BAENON NI ANGKA RASUL 9:9

Tolu ari honokna na so marnida i ia jana na tolu ari i umpe adong dipangan sanga diinum ia bagi aha.

JUNUS 3:9

Betak na ra do Debata manguba nietNia gabe nada muruk be, jadi nada tulus hita bunuonNia!”

JESAYA 22:12

Suruon ni Tuhan, Tuhan Na Markuaso i ma hamu tangis dohot mangandungi, marcukur ulu dohot mamake abit goni di hatiha i.

MASMUR 69:10

Huparkanciti do diringku marhite na puaso, hape habilean do na hujagit.

MASMUR 50:15

Muda ro hasusaan, pio-pio ma ho tu Au paluaonKu ma ho, jana pujionmu ma Au.”

ESTER 4:16

“Palagut ma sude halak Jahudi na di Susan anso martangiang salaho tu au. Ulang ma hamu mangan tolu ari tolu borngin lolotna. Au sandiri pe dohot angka bujing-bujing na mangoloi au laing puaso do. Dung sidung i, mangadop ma au tu raja i, haru pe mangalanggar undang-undang do i. Muda angkon mate ma au hara ni i, padiar ma mate au tusi!”

1 RAJA-RAJA 21:27

Dung sidung si Elia na mandok hata i, disibakkon si Ahab ma pakeannia lalu digonti ia ma dohot abit goni tanda ni na manyosal ia. Puaso ma ia jana modom pe laing marbaju goni ma ia jana muda mardalan, murhing ma torus bohinia.

2 SAMUEL 12:22

“Olo,” ning si Daud mangalusi, “Tutu do puaso au jana tangis dompak mangolu dakdanak i, harana didok rohangku: Betak na ibo do roha ni Tuhan mida au jana padiaronNia mangolu dakdanak i.

JESAYA 26:16

Ale Tuhan, hatiha na sompit dijalahi halahi do Ho, hatiha hona uhumMu, tu Ho do halahi pio-pio di bagasan tangiang.

2 SAMUEL 12:15

Dung i mulak ma si Natan tu bagasnia. Marnyae ma anak ni si Daud na nitubuhon ni si Batseba tading-tadingan ni si Uria i jana sian Tuhan do nyaena i.

NEHEMIA 1:4

Umbege barita i, juguk ma au jana tangis. Sanga na piga ari lolotna sai tangis au. Torus do au puaso lalu martangiang tu Debata,

DANIEL 6:18

Dung i ditutupkon ma sada batu na godang tu baba ni liang i jana dicap raja i ma batu i dohot cap ni harajaan dohot cap ni angka parpangkat gabe nada tarbaen sanga ise be paluahon si Daniel sian singa i.

JOSUA 7:6

Songon i noma arsak ni si Josua dohot angka pamimpin ni Israel jabat disibak-sibak halahi pakean ni halahi jana sadari i lopus tu borngin sai manungkap ma halahi di jolo ni Poti Parjanjian ni Tuhan marsibaen abuan tu ulu ni halahi be tanda ni siluluton i.

DANIEL 9:3

Dung i huadopkon ma bohingku tu Tuhan Debata lalu martangiang mangido huhut marpuaso. Jana mamake baju siluluton jana juguk di ginjang ni abuan.