2 SAMUEL 11:2 - BIBEL JAMITA NA DENGGAN

² Sanoli andospotang, dung ngot si Daud sian na modom, kehe ma ia tu tarup ni bagas godang na hornop i. Diida ia ma sian i sada anakboru na topet maridi, jana sun jeges ni anakboru i.

2 SAMUEL 11:2 Referans Kwoze

MATEUS 5:28

Tapi anggo saonnari Hudok tu hamu: Muda adong halak na midaan dadaboru, gabe impol rohania, na dung markarosuan do ia dohot anak boru i di bagasan rohania.

MASMUR 119:37

Jagohon ma au ulang sai huparayak na so porlu, lehen ma di au ngolu mangihutkon hagiotMu.

1 JOHANNES 2:16

Sasudena na adong di portibi on na nihalungunkon ni jolma – i ma sasude hagiot ni sibuk, hagiot ni mata dohot na pagodangkon dirina – nada sian Debata haroroan ni angka na songon i, tapi sian portibi on do.

BAENON NI ANGKA RASUL 10:9

Ancogotna i, di na mardalan halahi marayak lalu tu Jope, manaek ma si Petrus tu tarup ni bagas giot martangiang, hira-hira pukul dua bolas tonga ari.

PODA 6:25

Ulang dihagioti rohamu hajegeson ni halahi, jana ulang tartarik rohamu baenon ni pangkidop ni matana.

JOB 31:1

Marjanji do au mardongan sumpa na so ro be rohangku di bujing-bujing na poso muda huida.

1 PETRUS 4:7

Na giot dapot ne ma ujung ni sasudena. Hara ni i, rajai hamu ma dirimunu jana torang ma rohamunu anso tarbaen hamu martangiang.

PODA 31:30

Nada haposan jogi ni rupa jana hajegeson muli hambar do i; tapi dadaboru na mangoloi Tuhan patut dapot pujian.

PANGARATAION 22:8

Muda pajongjong bagas hamu, angkon baenonmunu do handang humaliang tarupna i. Gabe nada hamu be martanggung jawab ampot adong sanga na ise na madabu sian tarup i lalu mate.

PAMUNGKAAN 3:6

Jeges ma antong hayu i diida dadaboru i, dohot tabona pe batuna i panganon jana marpikir ma ia, sonangna i antong muda gabe bisuk iba. Jadi gabe diputikkon ia ma batu ni hayu i lalu dipangan ia. Dilehen ia muse ma deba di halaklahinia i jadi dipangan halaklahinia i muse ma i.

MATEUS 10:27

Sanga aha na Hudok tu hamu di na golap, hobarkon hamu ma i di arian raya. Sanga aha na Huhusipkon tu pinggolmunu, jamitahon hamu ma i sian bungkulan ni bagas!

JEREMIA 19:13

Sude bagas na adong di Jerusalem dohot sude bagas ni angka raja ni Juda gabe hodar ma i songon Tofet; angke madung ditutung halak di ginjang ni ganop bagas i dupa tu angka debata langit, jana dipelehon anggur tu angka debata na asing.”

PODA 19:15

Muda giot parlosok ho, rohamu ma di ho! Torus ma ho modom, lalu ma naron malean ho.

2 SAMUEL 4:7

Manigor masuk ma halahi tu bilik podoman ni si Isboset na sinok modom i, lalu disusuk halahi lopus mate. Dilobong halahi ma uluna i jana dioban halahi kehe. Saborngin maningting ma halahi mardalan mamolus Rura Jordan.

PAMUNGKAAN 34:2

Di na niida ni si Sikem anak ni si Hemor halak Hewi i, i ma raja ni luat i si Dina, dilojongkon ia ma anak boru i, dipaksa ia ma mambaen na so ture.

PAMUNGKAAN 6:2

diligi angka “anak ni Debata” ma bahaso na jeges do angka anak boru i. Gabe dibuat halahi ma anak boru por ni roha ni halahi be.

2 SAMUEL 4:5

Kehe ma tentara na dua i, si Rekhab dohot si Baana tu bagas ni si Isboset jana lalu halahi disi tonga ari, di na topet modom arian si Isboset.

1 SAMUEL 9:25

Dung salpu i, manuat ma halahi sian inganan paribadatan i laho masuk tu kota i. Dibaen ma podoman ni si Saul di tarup ni bagas i,

PAMUNGKAAN 39:6

Sandok sinadongannia, dipasahat ia ma tu si Josep mangatursa. Jana nada dipaboto-boto si Potifar be urusan ni bagasnia i, asing sian panganon na nipangannia i sandiri. Na ginjang na godang jana na tongam do anggo si Josep.

MATEUS 24:17

Sanga ise na di ginjang tarup ni bagas ulang be ia mijur mambuat barang-barangnia tu bagas i.

PAMUNGKAAN 12:11

Di na laho manyalpui batas ia laho masuk tu Luat Mesir i, didok ia ma tu si Sarai dadaborunia i, “Na jeges do da rupamu.

PANGARATAION 5:21

Ulang marpor ni roha tu dadaboru ni donganmu jolma, ulang marpor ni roha di bagasna, tanona, bope naposona halaklahi, bope naposona dadaboru; bope di lombuna, bope di halodena, bope sanga aha nampuna ni donganmu jolma.’

2 SAMUEL 13:1

Adong do sada iboto ni si Absalom, anak ni si Daud, goarna si Tamar, na nitadohon ni si Absalom. Tubu ma di roha ni si Amnon, anak ni si Daud sian dadaborunia na asing, manghaholongi si Tamar

2 SAMUEL 14:27

Adong do tolu anak ni si Absalom jana sada borunia na jogi situtu rupana, goarna si Tamar.

PODA 7:8

Mardalan ma doli-doli na oto i di dalan i, lalu ma ia donok tu bagas ni sada dadaboru jalang.