2 SAMUEL 11:1 - BIBEL JAMITA NA DENGGAN

¹ Somalna sai di musim bunga do angka raja kehe marporang. Jadi dung salpu taon baru di taon i disuru si Daud ma si Joab kehe mamorangi rap dohot angka donganna parpangkat dohot sude tentara ni Israel i; dung i ditaluhon halahi ma halak Amon jana dihobuk halahi ma kota Raba. Tapi anggo si Daud, tinggal do di Jerusalem.

2 SAMUEL 11:1 Referans Kwoze

1 JUJUR TAON 20:1

Di pamungkaan ni musim logo na mangihut, disi ma hasomalan ni angka raja-raja kehe marporang, dioban si Joab ma tentarania ruar jana ditaluhon halahi ma Luat Amon. Nada dohot anggo Raja Daud hatiha i, tading do ia di Jerusalem. Dihuliangi si Joab dohot tentarania i ma kota Raba, diserang ia ma lalu diabiskon ia.

1 RAJA-RAJA 20:26

Jadi diparmulaan ni ari logo na mangihut diarahon ia ma parangannia rap kehe ma halahi lalu tu kota Afek laho mamorangi halak Israel.

1 RAJA-RAJA 20:22

Dung salpu i, kehe ma panurirang i mandapotkon si Ahab mandok, “Saonnari dumenggan ma mulak raja i jana markobas patoguhon diri jana mambaen sangkap na sadenggan-dengganna; harana na giot ro muse do raja ni Siria i mangaroro mangulahi di hatiha logo ni ari na giot ro.”

PARJAMITA 3:8

Adong do hatiha manghaholongi dohot hatiha margoyak ni roha; hatiha laho marporang dohot hatiha mardame.

2 JUJUR TAON 36:10

Di pargontian ni taon, dioban si Nebukadnesar ma si Joyakin tu Babel gabe tahanan, jana dohot do angka barang sigodang arga na adong di Bagas Ni Tuhan dioban ia muse. Dung i diangkat si Nebukadnesar ma si Zedekia angkang ni si Joyakin gabe raja di Juda dohot di Jerusalem.

PANGARATAION 3:11

Hum Raja Og noma, na mangolu sian halak Refaim. Sian batu do dibaen poti ni bangkena, opat meter ginjangna, jana bidangna mardonok dua meter mamake suhat-suhat na somal. Lopus saonnari tarida dope i di Raba, kota ni halak Amon.)

JEHESKIEL 21:20

Gambar ma sian dalan dia haroro ni podang i mangalo Raba kota ni Amon, jana mangalo Juda, na marbenteng di Jerusalem.

ZAKARIA 14:3

Jadi kehe ma Tuhan marporang mangalo angka bangso i songon na nibaenNia narobi.

1 SAMUEL 18:30

Ganop ro tentara ni Pilistin mamorangi, sai manjadi do si Daud ulang pado angka parangan ni si Saul na asing i. Jadi mur tarbonggal ma si Daud.

2 SAMUEL 10:14

Di na niida ni halak Amon na dung maporus tentara ni Siria i, halahi pe maporus noma sian si Abisai lalu mundur tu bagasan kota i. Dung sidung diporangi si Joab halak Amon i, mulak ma ia tu Jerusalem.

JEREMIA 49:2

Tapi dapot do i hatihana baenonKu halak na mangingani Raba, kota sabungan ni Luat Amon i, umbege surak-surak ni parporangan. Gabe tading sego-segona noma kota i jana angka huta pagaran na humaliang i pe abis masurbu. Dung i buaton ni halak Israel ma mangulahi tanona i sian angka jolma na mangarampassa na salpu i.

JEREMIA 49:3

Hamu ale halak Hesbon, tangis ma hamu dibaen madung maronco kota Ai! Hamu angka dadaboru na sian kota Raba, mangandungi ma hamu! Marabit goni ma hamu tanda ni siluluton. Marlojongi ma hamu pahae-pahulu gok ponjot ni roha. Obanon noma Milkom debatamunu i tu habuangan rap dohot angka malim dohot angka pamimpinna.

AMOS 1:14

Hara ni i, tongosonKu ma api tu angka tembok ni kota Raba, jana surbuonKu lopus abis angka bentengna i. Tarbege ma disi hagaoron ni sora ni porang, jana mur jebu ma porang i songon pangalingkup ni ombak.

MASMUR 60:9

Ise do na giot maroban au tu kota na marbenteng? Ise do manogu au tu Edom?