2 SAMUEL 10:12 - BIBEL JAMITA NA DENGGAN

¹² Papir ma rohamu! Dison ma tapatuduhon habaranion manghopkop bangsonta dohot manghopkop angka kota ni Debatanta. Sai dipatulus Tuhan ma sanga aha giot ni rohaNia.”

2 SAMUEL 10:12 Referans Kwoze

1 KORINTUS 16:13

Antong jonggor ma hamu jana togu ma haporsayaanmunu. Angkon barani do hamu martindak jana sai margogo ma hamu.

PANGARATAION 31:6

Togu ma rohamunu jana barani! Ulang mabiar hamu mida halahi! Debatamunu i, Tuhan sandiri ma mandongani hamu. Nada pailaon sanga tadingkononNia hamu.”

1 SAMUEL 3:18

Jadi dicaritohon si Samuel ma sudena tu si Eli. Sada pe nada adong na nirahasiahonnia. Dung i didok si Eli ma, “Tuhan do Ia, padiar ma dipatulus Ia sanga na aha giot ni rohaNia.”

IBRANI 13:6

Hara ni i gabe puluk ma hita mandok, “Tuhan do Pangurupi di au, nada mabiar au. Aha ma he na tarbaen jolma tu au lakna?”

NEHEMIA 4:14

Di na huida mabiar rayat i, hudok ma tu halahi dohot tu angka hatobangon maradu tu angka pamimpin, “Ulang hamu mabiar mida musu! Tuhan na gogo jana na markuaso i ma ingot hamu, jana parjuangkon hamu ma angka kahanggimunu, angka dakdanak, dongan saripe dohot bagasmunu!”

1 SAMUEL 4:9

Papir hamu ma rohamunu, ale halak Pilistin! Marporang ma hamu, anggo inda, na giot gabe hatoban ni halak Ibrani i noma hamu, songon halahi najolo na gabe hatoban. Antong marporang ma hamu songon halaklahi!”

HAKIM-HAKIM 10:15

Tapi didok halak Israel i ma tu Tuhan, “Madung mardosa hami da Tuhan. Baen ma roha-rohaMu, asal ma diurupi Ho hami di ari on.”

1 JUJUR TAON 19:13

Pos ma rohamu! Tapuntial ma gogonta na marporang on hara ni bangsonta dohot haporluan ni angka kota ni Debatanta. Sai dipatulus Tuhan ma nian sanga aha giotNia.”

JOB 1:21

“Nada adong bagi na ahangku di na nitubuhon au, jana mate pe au nada mardiha-diha. Madung dilehen Tuhan i sudena jana Ia muse do na mambuatsa. Nipuji ma goar ni Tuhan i!”

1 SAMUEL 17:32

Didok si Daud ma tu si Saul, “Nada pola mabiar hita mida halak Pilistin da rajanami! Maralo ma au dohot ia.”

1 SAMUEL 14:12

Dung i pio-pio ma halahi tu si Jonatan dohot tu naposonia i, “Manangkok ma hamu tuson! Adong na giot patidahononnami tu hamu!” Dung i didok si Jonatan ma tu doli-doli i, “Ihutkon ma au, harana na dung dipasahat ni Tuhan do halahi tu Israel.”

1 SAMUEL 14:6

Jadi didok si Jonatan ma tu doli-doli i, “Beta tu benteng ni Pilistin kapir i. Betak na tolongan ni Tuhan do hita. Angke tarlehen Tuhan do hamonangan, marhite bahat halak bope marhite na saotik halak.”

JOSUA 1:18

Sanga na ise pe na mangalo kuasomu, sanga na so mangihutkon parentamu, mate hona uhum ma i. Sai pos ma rohamu jana ulang mabiar ho!”

JOSUA 1:9

Ingot, madung Huparentahon tu ho anso marpos ni roha situtu ho! Ulang ho mabiar sanga hurang semangat, angke Au Tuhan Debatamu, sai na dongananKu do ho sanga na tu dia pe ho kehe.”

BILANGAN 13:20

Ligi hamu sanga napu do tanona jana bahat do hayu na marbatu. Ulang hamu lupa maroban saotik sian batu ni hayu angka na tubu disi.” (Laho mamungka ma musim ni anggur hatiha i.)

2 JUJUR TAON 32:7

“Togu ma rohamunu jana marpos ni roha; ulang hamu mabiar tu raja ni Asur i sanga tu angka pasukanna i. Gumodang dope gogo di hita ulang pado di pihak ni halahi.

IBRANI 11:33

Hara ni haporsayaanna, ditaluhon halahi do angka harajaan. Na tigor do na nibaen ni halahi, gabe dijagit halahi ma na nijanjihon ni Debata. Dihuntam halahi do baba ni angka singa.

2 SAMUEL 10:11

Didok si Joab ma tu angginia i, “Muda nada tolap au be mangadopi tentara ni Siria i, ompoti ma mangurupi au; muda nada lobas ho be mangadopi tentara ni Amon i, huurupi pe ho.

PANGARATAION 31:7

Dung i dipio si Musa ma si Josua, jana di jolo ni sude bangso Israel i didok si Musa ma tusia, “Sai pos ma rohamu jana barani, ale Josua! Ho noma na mamimpin bangso on laho mambuat tano na dung dijanjihon ni Tuhan i tu ompu ni halahi.

2 SAMUEL 15:26

Tapi anggo na so lomo be antong roha ni Tuhan i tu au, marguru di hagiotNia ma di au.”

NEHEMIA 4:8

Marpokat ma halahi giot mangaroro Jerusalem laho patubu hagaoron.

ESTER 4:16

“Palagut ma sude halak Jahudi na di Susan anso martangiang salaho tu au. Ulang ma hamu mangan tolu ari tolu borngin lolotna. Au sandiri pe dohot angka bujing-bujing na mangoloi au laing puaso do. Dung sidung i, mangadop ma au tu raja i, haru pe mangalanggar undang-undang do i. Muda angkon mate ma au hara ni i, padiar ma mate au tusi!”