2 SAMUEL 10:10 - BIBEL JAMITA NA DENGGAN

¹⁰ Tentara na deba nari i dipasahat ia ma tu si Abisai angginia i, jana diatur si Abisai ma barisan ni halahi maradopan dohot tentara ni Amon.

2 SAMUEL 10:10 Referans Kwoze

2 SAMUEL 10:9

Dung diida si Joab na tarhapit do hape ia dibaen parangan ni musu na di jolo dohot na di pudinia i, dipili ia ma angka parajurit na dumenggan di Israel, lalu diatur ia ma halahi maradopan dohot tentara ni Siria i.

2 SAMUEL 10:11

Didok si Joab ma tu angginia i, “Muda nada tolap au be mangadopi tentara ni Siria i, ompoti ma mangurupi au; muda nada lobas ho be mangadopi tentara ni Amon i, huurupi pe ho.

2 SAMUEL 23:18

Si Abisai, anak ni si Joab anak ni si Zeruya i, i ma pamimpin ni “Tridasawira” na tarbarita i. Jungada do dimatehon ia tolu ratus halak dohot tombaknia.

2 SAMUEL 18:2

Dung i dipakehe ia ma halahi marporang di bagasan tolu rombongan; sarombongan be ma dipimpin si Joab, si Abisai anggi ni si Joab i dohot si Itai na sian Gat. Didok raja i ma tu tentarania i, “Au pe laing dohot do kehe rap dohot hamu.”

1 JUJUR TAON 18:12

Di Rura na Ancim, talu do halak Edom dibaen si Abisai tubu ni na margoar si Zeruya. Dibunu si Abisai disi salapan bolas ribu halak Edom.

1 JUJUR TAON 19:1

Dung adong sanga na sadia honok, marujung ma ngolu ni si Nahas raja ni Amon, jana gabe raja ma anaknia si Hanun.