2 SAMUEL 1:6 - BIBEL JAMITA NA DENGGAN

⁶ Dialusi ia ma, “Topet do au di Dolok Gilboa, jadi huida ma si Saul sande di tombaknia, hape angka kareta dohot tentara ni musu na markudo ma mur donok manghobuk ia.

2 SAMUEL 1:6 Referans Kwoze

1 SAMUEL 28:4

Jadi di na marlagut tentara ni Pilistin jana marbandar di lambung ni kota Sunem, si Saul pe antong dipalagut ia ma halak Israel jana marbandar di Dolok Gilboa ma halahi.

LUKAS 10:31

Jadi topet ma mamolus sada halak malim disi. Dung diida malim i bayo i, manopi-nopi ma ia jana dilaosi ia.

2 SAMUEL 1:21

O angka Dolok Gilboa, tangihon pamiongku: Ulang jabat bornok ho baenon ni ombun dohot udan! Gumonan hiang marigang ladang dohot padang. Angke disi ma antong madabu onding-onding ni na barani. Dohot parince ni si Saul pe ma pola haraton, nada be dimiahi.

1 SAMUEL 6:9

Parrohahon hamu ma pardalanna i; muda mardalan adop luatna i sandiri do, i ma tu kota Bet-Semes, i ma tandana bahaso Debata ni halak Israel i do na parohon hamamago na jorbut i tu hita. Tapi muda nada kehe tusi, botoonta ma na so sian Debata ni Israel haroroan ni hasusaan i, tapi na ro songon i sajo do i.”

RUT 2:3

Jadi kehe ma si Rut manjomputi burir-burir na nipardekdekkon ni angka na markarejo di ladang i. Topet muse ma ia kehe tu ladang ni si Boas.

2 SAMUEL 1:5

“Sian dia diboto ho,” ning si Daud manyapai ia.

2 SAMUEL 1:7

Dung i manaili ma ia tu pudi jana diida ia ma au, jana dipiohon ia ma au, jana hualusi ma, ‘Olo tuannami.’