2 SAMUEL 1:22 - BIBEL JAMITA NA DENGGAN

²² Sior ni si Jonatan na gogo mamatehon i Podang ni si Saul na so tumanda ampunan i mamunu musu, mangabiskon alona.

2 SAMUEL 1:22 Referans Kwoze

1 SAMUEL 18:4

Dibuka si Jonatan ma baju juba na nipakenia i lalu dilehen ia tu si Daud, songon i dohot baju porangnia dohot podangnia, sior dohot bobatnia.

PANGARATAION 32:42

Margulu podangKu sap mudar ni halahi hona bunu ni podangKu sude na mangalo i. Nada paluaonKu hosa ni alo-alongki mate muse do na margasa dohot na tartaban i.

1 SAMUEL 14:47

Dung gabe raja si Saul di Israel, sai marporang do ia sanga na di dia mangalo sude musu ni Israel, i ma halak Moab, halak Amon, dohot halak Edom, angka raja ni Zoba dohot halak Pilistin. Sanga na di dia ia marporang, sai monang do ia.

1 SAMUEL 14:48

Na barani do ia marporang jana ditaluhon ia do halak Amalek, lalu dipalua ia Israel sian kuaso ni pangarampas.

JEREMIA 50:9

Husosoi pe angka bangso na gogo-gogo na adong di Utara anso diporangi halahi Babel. Aturon ni halahi ma barisan laho martempur mangalo Babel lalu manaluhonsa. Angka parsior na malo-malo do halahi jana anak ni pana ni halahi nada unjung na so mangonai.