1 TIMOTEUS 6:2 - BIBEL JAMITA NA DENGGAN

² Angka hatoban na martuan tu halak Kristen, nada tola pamenehonna tuanna i hara ni na rap Kristen i. Sugari nian, angkon mur jeges dope pangoloi ni halahi tu tuanna i, angke rap dongan sahaporsayaan na nihaholongan ni halahi do tuan na nioloan i di bagasan na denggan. Sudena on, angkon ajarkononmu do jana paingotkononmu tu halak sudena.

1 TIMOTEUS 6:2 Referans Kwoze

KOLOSSE 4:1

Hamu angka tuan! Baen hamu ma na sintong dohot na tigor tu angka hatobanmu. Ingot hamu ma, hamu pe adong dope tuanmunu di banua ginjang.

1 TIMOTEUS 4:11

Ajarkon ma sudena i jana suru ma halak sudena mangoloi i.

JUDAS 1:8

Laing dohot dalan na songon i muse ma angka halak na manyisip masuk tu tonga-tonganta na mambaen dosa tu pamatang ni halahi sandiri hara ni angka nipina. Layas do diida halahi kuaso ni Debata jana dipabile halahi do angka na sangap na di banua ginjang i.

2 PETRUS 2:10

lumobi ma i angka jolma na mangoloi angka hagiot na pahodarkon dirina, jana mangincahi harajaan ni Tuhan i. Puluk-puluk do angka guru pargabus i jana ginjang-ginjang do roha ni halahi; nada pola alang roha ni halahi mangalayasi Na Sangap i.

1 PETRUS 5:1

Nipangido anso diparrohahon angka sintua jolo on. Songon donganmunu pamimpin, hubaen surat on bope donganmunu na manyaksihon sandiri parkancitan ni Kristus, jana na giot dohot pasangapon muda dung dipataridahon hasangapan ni Kristus tu hita jolma. Gomos pangidoanku

IBRANI 3:14

Sapartohapan do hita on sudena rap dohot Kristus; asal ma togu tatiop lopus tu ujungna, sanga aha na tahaporsayai di mulana i.

IBRANI 3:1

Hara ni i ale angka dongan na badia, na dohot taruli di pio-pio na sian banua ginjang, ligi hamu ma rasul dohot Malim Godang na taoku i, i ma Kristus Jesus.

TITUS 3:8

Tutu do sasudena sanga aha na hudok on. Jadi giotku, gomos ma dokkon taringot tu angka na hudok on, anso marsitutu angka na porsaya tu Debata patuluskon angka karejo na denggan na marguna tu sude halak.

TITUS 2:15

Ajarkon ma sudena i, jana paingot ma halahi jana gorahon ma angka na umbege jamitamu sian sude gogomu. Ulang ma adong na marlayas ni roha tu ho.

TITUS 2:1

Tapi anggo ho Titus, ajarkon ma pangajaran na denggan.

1 TIMOTEUS 5:1

Ulang songgahi halak na matobang, tapi paingot ma ia songon amanta sandiri. Angka na poso baen ma songon kahanggimu,

2 TESSALONIKA 1:3

Angkon sai tongtong do hami mandok tarimakasi tu Debata hara ni hamu ale angka dongan. Jana songon i do na patut baenonnami, angke mur porsaya do hamu tu Kristus jana mur marsihaholongan do hamu sude sama hamu.

KOLOSSE 1:2

tu angka dongan sahaporsayaan di bagasan Kristus na di Kolosse; i ma angka na badia. Asi ni roha ma di hamu dohot hasonangan na sian Debata Amanta, i ma na mandongani hamu.

EPESUS 3:6

On ma rahasia i: Hara ni Jamita Na Denggan i tola ma dohot halak na so Jahudi manjagit angka pasupasu sian Debata; gabe rap anggota ni sada pamatang ma halahi, jana tola ma dohot manjagit sanga aha na nijanjihon ni Debata markite-hite Jesus Kristus.

EPESUS 1:15

Hara ni i, mamungka sian na dung hubege hamu porsaya tu Tuhan Jesus, jana dihaholongi hamu do sude halak na porsaya,

EPESUS 1:1

Sian si Paulus, rasul ni Kristus Jesus, markite-hite hagiot ni Debata, tu angka halak na badia na di Epesus dohot tu angka na porsaya di Kristus Jesus.

GALATIA 5:6

Angke muda dung marsada hita dohot Kristus Jesus, nada pola parsoalan be na mangihutkon paraturan ni sunat sanga na so mangihutkon aturan i. Manghaporsayai Kristus sajo noma na porlu, jana tarida ma i di bagasan holong ni rohanta maradopkon halak na asing.

SURAT NI SI PAULUS TU PARLAGUTAN ROM 11:17

Diponggolkon deba sian dangka ni hayu i, jana nilohotkon ma ho na dibuat sian hayu harangan i tu inganan ni halahi gontina, anso martohap ho di urat dohot di miak ni hayu zetun i.

SURAT NI SI PAULUS TU PARLAGUTAN ROM 8:29

Angka na nipiliNia, madung ditontuhon muse do halahi sian mulana anso sarupa songon tiruan ni AnakNia, anso Anak i ma gabe siangkaan ni bahat kahanggi.

MATEUS 25:40

Alusan ni Raja i ma, ‘Ingot hamu ma on: Hatiha dibaen hamu songon i tu sada halak sian angka kahanggingKu na umdangol i, etongon na tu Au do i dibaen hamu!’

MATEUS 23:8

Tapi anggo hamu, indangkon sai ra hamu dipiohon halak ‘Gurunami’, angke hum sada do Gurumunu jana markahamaranggi do hamu sude.

MATEUS 6:24

“Nada adong sahalak pe na tarbaen mangoloi dua tuan sanoli mangoloi. Muda dibaen ia songon i, goyak ma rohania tu na sada, holong ma rohania tu na sada nari. Sanga burju ma ia tu tuan na sada, tapi na sada nari inda diantureskon. Songon i muse do hamu. Nada tarbaen hamu markarejo tu Debata dohot markarejo tu arta sanoli mangkarejohon.

JOEL 2:28

“Dung salpu i sude, usehononKu ma tondingKu tu sude jolma. Jadi manyurirangi ma angka anak dohot borumunu, marnipi ma angka na ma tobangmunu maruli parnidaan ma angka naposobulungmunu.

BILANGAN 16:3

Rap kehe ma halahi mandapotkon si Musa dohot si Harun lalu didok halahi, “Musa, tangihon jolo: Ganop jolma di bangso Israel na dung hapunjungan ni Tuhan do i. Jana di tonga-tonga ni hita sude do Tuhan i. Hape biasi dietong ho gumincat ho sian sude halak ni Tuhan i? Sude na binaenmu madung manyalpui aturan.”

BAENON NI ANGKA RASUL 1:15

Disada hatiha marlagut ma halahi, – hira-hira saratus dua pulu halak ma na ro i – jongjong ma si Petrus mandok hata. Ning ia ma,