1 TIMOTEUS 2:11 - BIBEL JAMITA NA DENGGAN

¹¹ Angkon pasomal-somalon ni angka dadaboru do dirina hohom jana pangoloi na burju di angka pangajaran.

1 TIMOTEUS 2:11 Referans Kwoze

1 KORINTUS 11:3

Tapi adong dope sada nari pangalaho na giot paboaonku di hamu; Kristus do anggo Ulu ni sude na margoar halaklahi; na gabe ulu ni dadaboru i, i ma halaklahina jana gabe Ulu Ni Kristus, i ma Debata.

1 PETRUS 3:1

Laing songon i ma hamu ale angka ina, angkon oloanmunu do halaklahimunu, jadi muda adong sian halahi na so porsaya di hata ni Debata, nada pola porlu dohononmunu sanga na aha pe tu halahi, parangemunu i ma na mambaen halahi gabe porsaya,

TITUS 2:5

anso malo mangarajai dirina, anso ias dohot anso gabe ina na denggan di rumahtanggana na mangoloi tu halaklahina. Jadi muda songon i, nada tarincahi halak be jamita na sian Debata.

KOLOSSE 3:18

Hamu angka ina! Oloi hamu ma halaklahimunu, angke songon i do parange na tama baenonmunu patandahon na Kristen hamu.

PAMUNGKAAN 3:16

Jadi didok Debata ma tu dadaboru i, “TambaonKu ma hasusaanmu di hatiha denggan pamatangmu, dohot hahancitanmu di na giot manubuhon dakdanak. Tapi haru pe songon i laing tongtong noma sai ro rohamu tu halaklahimu, jana anso dioloi ho halaklahimu.”

ESTER 1:20

Muda dung marserak haputusan ni raja i tu sandok harajaan na bolak i, pasangapon ni ganop dadaboru ma halaklahina, na kayo bope na miskin.”

1 TIMOTEUS 2:10

Gumonan ma angka pangalaho na denggan dibaen halahi pakeanna songon na patut di angka dadaboru na marsomba tu Debata.