1 TIMOTEUS 1:11 - BIBEL JAMITA NA DENGGAN

¹¹ Anggo pangajaran i, i ma na tarsurat di Jamita Na Denggan i na dung dipasahat tu au di bagasan pos ni roha, i ma Jamita Na Denggan na sian Debata na sangap i.

1 TIMOTEUS 1:11 Referans Kwoze

GALATIA 2:7

Hape dioku angka halak na tarpandang i do, na nipasahat ni Debata do au laho manjamitahon Jamita Na Denggan i tu angka halak na so Jahudi dos dohot si Petrus na nisuruNa laho manjamitahon Jamita Na Denggan i tu halak Jahudi.

TITUS 1:3

Topet di hatihana, dipataridahon Debata do ngolu i di bagasan barita i jana hupaboa do i hara ni parenta ni Debatanta Sipalua i.

1 TIMOTEUS 6:15

Tontuhonon ni Debata sandiri do di hatiha hadenggananNa anggo haroroNa i. Hum Ia do Parkuaso; na sangap, Raja ni sasudena raja jana Tuhan ni sasudena tuan.

2 KORINTUS 4:4

Na nigupgupan ni Debata na mangarajai portibi on do roha ni halahi na so porsaya i. I do na manyundati halahi anso ulang dohot halahi marnida sinondang na sian Jamita Na Denggan i, i ma taringot tu hasangapan ni Kristus i na gabe songon gambaran ni Debata.

SURAT NI SI PAULUS TU PARLAGUTAN ROM 2:16

Laing songon i ma na giot masa di ari na nitontuhon i. Anggo di ari i hombar tu Jamita Na Denggan na hujamitahon i – uhuman ni Debata ma markite-hite Jesus Kristus sude sibunian ni roha ni jolma.

2 TIMOTEUS 2:2

Pangajaran na nibegemu sian au di jolo ni halak na bahat, pasahat ma i tu angka dongan sanga ise na tarhaposi roha jana na malo mangajari halak na asing.

2 TIMOTEUS 1:14

Mardongan pangurupi ni Tondi Parbadia na maringanan di bagasan hita, angkon jagohononmu ma sadenggan-dengganna angka na mararga na dung dihaporsayahon tu ho.

2 TIMOTEUS 1:11

Laho manjamitahon Jamita Na Denggan i do dipabangkit Debata au gabe rasul dohot pangajari.

1 TIMOTEUS 6:20

Sasude pos ni roha na nilehen di ho, denggan ma jagohon i sude Timoteus! Padao ma ho sian angka pangkataion na so marguna. Laing padao ma ho sian partangkangan taringot tu angka pangalaho na didok roha ni halak “Parbinotoan,” hape sian dalan na lilu.

1 TIMOTEUS 2:7

Jana hara ni i ma umbaen na nisuruNia au mandapotkon angka halak na so Jahudi laho manjamitahon tu halahi barita taringot tu haporsayaan ni halak Kristen na tutu. Tutu do na hudokkon on, nada margabus au disi.

1 TESSALONIKA 2:4

Nada! Nada na giot pasonang-sonang roha ni jolma hami manghatai. Na giot pasonang roha ni Debata do hami muda manghatai. Debata do na dung manguji rohanami jana na dung mangangkat hami laho manjamitahon Jamita Na Denggan i.

KOLOSSE 1:25

Debata do marsuru au gabe pangoloi di parlagutan i laho manyarihon hamu. Angkon pabolkasonku do sudena barita na sian Debata;

EPESUS 3:10

On do maksud ni Debata disi: anso saonnari, sude na maniop kuaso di awang-awang i mamboto hamaloon ni Debata di sude ragam rupa ni pangalaho markite-hite parlagutan i.

EPESUS 2:7

Dibaen Debata pe na songon i, anso diida jolma i do sanga na bia godangna hadengganon ni rohaNia di hatiha na giot ro, i ma na nipatidahonNia tu hita markite-hite Kristus Jesus.

EPESUS 1:12

boti anso hita na dung parjolo mararop ni roha tu Kristus i, mangolu laho mamuji Debata hara ni hagodanganNia i!

EPESUS 1:6

Pinuji ma Debata hara ni hadengganan ni rohaNia na songon i godang na nipabotohonNia tu hita mardapot-dapot markite-hite Anak haholonganNia i.

2 KORINTUS 4:6

Debata do mandok, “Bincar ma na torang sian na golap.” Laing Debata na sada i muse do na pabincarkon sinondang i di bagasan rohanta, anso gabe torang rohanta laho mangastui hamuliaon ni Debata na marsinondang di bohi ni Jesus.

1 KORINTUS 9:17

Sugari ma rupani hara ni giot-giotku sandiri sajo na mandalankon karejo i, tontu tola ma au mararop ni roha manjagit upa. Tapi nada hagiotku manjamitahon Jamita Na Denggan i. Debata do marsuru au mandalankon i.

LUKAS 2:14

“Hasangapan ma di Debata na di ginjang, dame ma di tano on di angka jolma halomoan i!”

MASMUR 138:2

Di na hupuji goarMu, laing marsomba muse au adop BagasMu na badia, angke setia do Ho jana sai marholong roha, madung dipatorang Ho, goar dohot angka parentaMu disalpui i do sasudena.