1 SAMUEL 9:17 - BIBEL JAMITA NA DENGGAN

¹⁷ Dung diida si Samuel si Saul, didok Tuhan ma tusia, “On ma ibana halak na Hudokkon i tu ho. Ia ma na giot mamarenta bangsongKu.”

1 SAMUEL 9:17 Referans Kwoze

HOSEA 13:11

Hara ni muruk, Hulehen raja di hamu, jana mardongan rimas Hutarik mangulahi.”

BAENON NI ANGKA RASUL 13:21

Dung i dipangido halahi ma sada raja. Dilehen Debata ma di halahi si Saul anak ni si Kis sian marga ni halak Benyamin gabe raja ni halahi, opat pulu taon honokna.

NEHEMIA 13:25

Hugorahon antong halahi jana huburai. Adong do na hubalbali jana hujangging obukna i, dung i husuru ma halahi marsumpa mangasahon goar ni Debata songon on: “Na so jadi lehenonmunu borumunu tu anak ni halahi, jana na so jadi alaponmunu boru ni halahi bahen dadaborumunu, sanga bahen dadaboru ni anakmunu sandiri!”

NEHEMIA 13:19

Jadi gabe huparentahon ma, anso ganop bona ni Ari Sabat, i ma Ari Jumahat borngin, manigor ditutup angka pintu horbangan dung andospotang jana nada tola bukaon salolot so salpu Ari Sabat di Sabtu borngin. Hubaen sanga na piga halak anak bua i di angka pintu horbangan laho manjago anso ulang adong barang sigadison dioban masuk tu bagasan kota i di Ari Sabat.

1 SAMUEL 3:13

Na dung Hupaboa do tusia na giot uhumanKu horongnia sapanjangna hara ni na dipalayas ni anaknia Au. Diboto si Eli do pangalaho ni halahi, hape nada dimuruhi ia halahi.

1 SAMUEL 9:18

Laing dipadonok si Saul ma tu si Samuel di lambung ni pintu ni horbangan i jana disapai ia ma, “Santabi amang, di dia dehe bagas ni pangaligi i?”

JEREMIA 32:8

Jadi tumbuk ma songon na nidok ni Tuhan, ro ma antong si Hanameel tu au di alaman ni panjagoon i jana didok ia ma anso hutobusi tanonia i. Hara ni i ma umbaen na pos rohangku paboa na tutu situtu do Tuhan mandok hata tu au.