1 SAMUEL 6:9 - BIBEL JAMITA NA DENGGAN

⁹ Parrohahon hamu ma pardalanna i; muda mardalan adop luatna i sandiri do, i ma tu kota Bet-Semes, i ma tandana bahaso Debata ni halak Israel i do na parohon hamamago na jorbut i tu hita. Tapi muda nada kehe tusi, botoonta ma na so sian Debata ni Israel haroroan ni hasusaan i, tapi na ro songon i sajo do i.”

1 SAMUEL 6:9 Referans Kwoze

JOSUA 15:10

jana marhuliang ma i di Hasundutan ni Baala sabola tu partoran Edom lalu torus tu bagian Utara ni Dolok Jearim (i ma Dolok Kesalon), jana manuat muse tu Bet-Semes, dung i manggistang ma i tu Timna.

LUKAS 10:31

Jadi topet ma mamolus sada halak malim disi. Dung diida malim i bayo i, manopi-nopi ma ia jana dilaosi ia.

PARJAMITA 9:11

Adong dope na huida di tano on: Nada sai tongtong parlojong na hipas manghamonangkon parsiaduan, nada sai tongtong halak na gogo manghamonangkon paraloan. Nada sai tongtong halak na marroha dapotan pangomoan. Jana halak na pistar nada sai tongtong dapotan sinadongan. Songon i angka na malo nada sai tongtong tarbonggal. Angke sanga na ise pe bolas jadi do hona bagian sial.

2 SAMUEL 1:6

Dialusi ia ma, “Topet do au di Dolok Gilboa, jadi huida ma si Saul sande di tombaknia, hape angka kareta dohot tentara ni musu na markudo ma mur donok manghobuk ia.

1 SAMUEL 6:3

Jadi ning halahi ma mangalusi, “Ulang paulak hamu sajo songon i anggo Poti Parjanjian ni Debata ni Israel i, tapi angkon marangkup silua do i laho manobus dosamunu. Jadi muda songon i, malum ma hamu, jana botoonmunu ma sanga hara ni aha umbaen na sai torus diuhumi Debata ni Israel i hamu.”

JOSUA 21:16

Ain, Juta dohot Bet-Semes, dohot sude tano panjampalanna. Gabe sambilan kota ma sian na dua marga i.

AMOS 3:6

Nada he humitir halak muda tarbege sora ni sarune tanda ni gore ni porang? Hona parmaraan dehe sada kota, anggo so Tuhan manongoskonsa?

JESAYA 26:11

Ale Tuhan, di paherbang Ho do tanganMu, tapi nada diida halahi i; padiar ma maila halahi mida holong ni rohaMu di bangsoMi. Padiar ma marhancit halahi hara ni na hona uhum na niparadeMu di halahi.

1 SAMUEL 6:10

Mangihut tusi ma jolma i; ditangkup halahi ma dua lombu panyusuan, dipasang ma i tu padati i, anggo anak ni lombu i dikurung ma di bara.

1 SAMUEL 6:12

Mamolus ma antong lombu i tu Bet-Semes; marmoak ma lombu i lalu torus mardalan so pola manyirpang tu siambirang sanga tu siamun. Torus do raja ni halak Pilistin na lima i paihut-ihut lombu i lopus tu batas ni Bet-Semes.

HARURUAR 8:15

Dung diida raja i na dung marmatean sude tohuk i, dipajogal ia ma rohania mangulahi. Jana songon na nidok ni Tuhan, nada ra raja i manangihon si Musa dohot si Harun.

2 JUJUR TAON 25:21

Jadi hara ni i gabe kehe ma si Joas raja ni Israel marporang mangalo si Amasia raja ni Juda i. Maradopan ma halahi di Bet-Semes na di Juda.