1 SAMUEL 4:20 - BIBEL JAMITA NA DENGGAN

²⁰ Saotik nari noma anso marujung ia di na nidok ni angka dadaboru na manolong ia, “Sobar ma ho! Halaklahi do anakmon!” Haru songon i pe nada dialusi ia i, sanga diparate-atehon ia.

1 SAMUEL 4:20 Referans Kwoze

JOHANNES 16:21

Muda giot sorang anak ni sada ina, marsak ma rohania hara ni na dung dapot hatihana manaon na hancit ia. Tapi disi sorang dakdanak i, manigor lupa ma ina i di na hancit i; marjop ni roha ma ia angke madung sorang sada dakdanak tu tano on.

MASMUR 77:2

Dompak di hasusaan pio-pio do au tu Tuhan. Sasaborngin huangkat tanganku di na martangiang, hape nada tarapoi anggo rohangku di bagasan.

PAMUNGKAAN 35:16

Dung i ditadingkon si Jakob dohot rombongannia i ma Betel. Dompak nada sadia dao dope halahi sian Efrata dapot ma hatihana giot hipas si Rahel. Tapi maol do anso sorang dakdanak i.

1 SAMUEL 4:19

Di hatiha i topet denggan pamatang ni parumaen ni si Eli, na nibuat ni si Pinehas, jana donok noma hatihana laho hipas. Di na nibegenia na dung hona rampas Poti Parjanjian ni Debata i, jana amangborunia dohot halaklahinia pe madung marujung ngoluna, ompot ma hancit songon na giot diapi dihilala ia, nada sadia honok antong hipas ma ia.