1 SAMUEL 30:6 - BIBEL JAMITA NA DENGGAN

⁶ Giot marmara tutu do si Daud, dibaen sun do marsakna parangan ni si Daud i hara ni na agoan anak dohot dadaboru. Jadi gabe giot didangguri halahi do si Daud dohot batu. Jadi targogot situtu ma si Daud, tapi laing dipatogu Tuhan Debatania mangulahi rohania.

1 SAMUEL 30:6 Referans Kwoze

MASMUR 56:11

Mararop roha tu Debata do au, nada mabiar au, nada tarkahua jolma au.

MASMUR 62:5

Hupasada do rohangku paintehon Debata, hum tuSia do au mararop roha.

MASMUR 18:6

Di na tarsosak au hupiohon Tuhan, mangkuling tu Debata mangido partolongan. Sian BagasNa do Tuhan manangihon, dibege Ia sorangku mangido pangurupion.

MASMUR 25:17

Palapang ma rohangku sian hasompitan, palua ma au sian hasusaan.

IBRANI 13:6

Hara ni i gabe puluk ma hita mandok, “Tuhan do Pangurupi di au, nada mabiar au. Aha ma he na tarbaen jolma tu au lakna?”

SURAT NI SI PAULUS TU PARLAGUTAN ROM 4:18

Porsaya do si Abraham jana mararop ni roha, haru pe so adong ojahan laho mararop ni roha, anso gabe “Ompu ni bahat bangso” ia, songon na nidok, “Songon i ma bahat ni pomparanmu sogot.”

MASMUR 116:10

Tongtong do au porsaya, haru pe hudok hata, “Sun do arsak ni rohangku,”

SURAT NI SI PAULUS TU PARLAGUTAN ROM 8:31

Aha ma he tardok hita taringot tu sudena i? Muda Debata donganta, ise ma he tarbaen mangalo hita?

HARURUAR 17:4

Pio-pio ma si Musa tu Tuhan, ning ia ma, “Aha ma baenonku tu angka halak on? Ligi ma, madung marhobas halahi giot mandangguri au dohot batu.”

MASMUR 42:11

Biasi marsak jana susa ho rohangku? Tu Debata noma au mararop roha, jana mandok tarimakasi mangulahi tuSia, tu Debatangku jana Sipalua di au.

MASMUR 27:14

Mararop roha tu Tuhan ma da, haporsayai ma, ulang padele roha. Tu Tuhan ma mararop roha.

2 KORINTUS 4:8

Sian sasudena do marrongoman angka na pasusahon i, hape laing inda tarhapit hami. Sompit do hami hilala, hape inda jabat mandele hami.

1 SAMUEL 1:10

Marsak sajo roha ni si Hanna, jana martangiang ma ia tu Tuhan lalu tangis panguncombopon.

JOHANNES 8:59

Dung i dibuat angka halak Jahudi i ma batu giot mandanggur Jesus; tapi martabuni ma Jesus, lalu kehe Ia morot sian Bagas Ni Debata i.

BILANGAN 14:10

Sude halahi mangancam giot mandangguri halahi na opat dohot batu lopus mate. Hape tompu ma diida angka jolma i sinondang na silo situtu sian Inganan Ni Tuhan, ruar sian ginjang ni Bandar ParmiananNa i.

2 KORINTUS 7:5

Di na lalu pe hami tu Makedonia, laing so marnamantak do hasusaan sian hami. Dihaliangi hasusaan do hami; parsalisian sian pihak na asing dohot biar ni roha sian hami sandiri.

PODA 18:10

Songon palas-palas na togu do Tuhan; tusi do maporus halak partigor anso malua.

JEREMIA 16:19

O Tuhan, Ho do na mangondihon au dohot na margogoihon au; diurupi Ho do au taran di hagogotan. Marroan ma angka bangso sian ujung ni tano on tu Ho jana dokkononna ma, “Hum debata na so tutu jana na so marguna do debata ni ompunami.

JOB 13:15

Nada parduli be di bagi aha hara ni dele ni roha! Muda giot bunuon ni Debata iba, rohana ma diSia. Tapi anggo pangalahongku angkon ampinanku di joloNia.

2 KORINTUS 1:6

Muda hami taon hasusaan, laho patoguhon rohamunu do i, anso malua hamu. Muda mur togu rohanami, gabe dohot do hamu dipatogu jana gabe sobar hamu di bagasan angka hasusaan songon na hami taon i.

SURAT NI SI PAULUS TU PARLAGUTAN ROM 4:20

Laing tongtong do ia porsaya jana nada ganggu rohania di janji ni Debata i. Mur dipargogoi haporsayaannia i muse dope ia laho pasangapkon Debata.

MATEUS 27:22

“Antong, aha ma baenonku tu Jesus na margoar Kristus i?” ninna si Latus manyapai halahi. “Parsilangkon ma i!” ninna halahi mangalusi.

MATEUS 21:9

Mamungka ma marsurahi halak na mardalan di jolo dohot na di pudi ni Jesus. Ninna halahi ma, “Hosana ma di Anak Ni si Daud! Dipasupasu ma Ia na ro di bagasan goar ni Tuhan! Puji ma Debata Na Gumincat i!”

JESAYA 25:4

Ho do parlojongan ni halak na pogos dohot na gale, di Ho do halahi sonang di hamamasa ni susa pe. Sian alogo na jorbut diondingi Ho do halahi. Sian pandoit ni na milas dilinggomi Ho do halahi. Ompot mambaen serangan halak na jungkat songon haroro ni bade di ari nonat,

MASMUR 62:1

Hupainte Debata, di bagasan sada ni rohangku, hum sian Ia sajo do haluaanku.

HAKIM-HAKIM 18:25

Didok angka halak Dan i ma, “Gumonan ma sip ho. Anggo inda, gabe muruk ma naron angka jolma on hantamon jana bunuonna ma ho dohot sude isi ni bagasmu.”

PAMUNGKAAN 32:7

Umbege i gabe mabiar ma si Jakob jana gamang ma ia. Jadi dibagi ia ma angka halak na rap dohot ia gabe dua rombongan; songon i muse angka biri-birinia, hambengnia, lombu dohot untonia.

MASMUR 42:5

Biasi marsak au jana susa rohangki? Tu Debata noma au mararop roha, jana mandok tarimakasi tuSia, tu Debatangku jana Sipalua au.

2 SAMUEL 17:8

Torang do diboto raja i, anggo si Daud dohot parangannia i angka parporang na barani do. Na songon gompul boru-boru na agoan anak do jingar ni halahi. Boti muse, si Daud sandiri pe parajurit na marpangalaman do i na so jungada modom rap dohot parangannia.

2 RAJA-RAJA 4:27

Tapi disi lalu di jolo ni si Elisa, marsomba ma ia jana dihaol ia ma pat ni si Elisa. Sai giot diantahi ni si Gehasi do nian anso ulang disi ia, tapi didok si Elisa ma, “Padiar ma! Marsak do ia idaon. Tapi nada adong boa-boa ni Tuhan tu au!”

1 SAMUEL 23:16

Didapotkon si Jonatan ma ia tusi laho patoguhon haporsayaannia bahaso sai na ondihonon ni Debata do ia.

MASMUR 18:2

Tuhan do parondinganku, benteng na togu di au. Tu Debata do au marsilaung, gabe sonang au marlindung. Songon parince digupgupi Ia au, dijago Ia au tongtong anso sai sonang au.

MASMUR 31:24

Papir jana patogu ma rohaMu, sude hamu na mararop roha tu Tuhan.

MASMUR 71:4

Ale Debatangku, palua ma au sian halak na jahat, sian kuaso ni halak na kejam dohot na so hasaya.

MASMUR 71:5

Ale Tuhan, hum Ho noma arop ni rohangku, tu Ho sajo do au porsaya mamungka sian haposoonku ale Debata.

JUNUS 2:2

“Ale Tuhan, pio-pio do au tu Ho di bagasan hasusaanku jana dialusi Ho do au. Sian inganan ni jolma na mate mangido partolongan au, ditangihon Ho do pangidoanku jana diparrohahon Ho.

HAKIM-HAKIM 20:22

Jadi hara ni na talu i, gabe dipapungu halahi ma muse gogona, jana diatur halahi ma mangulahi tentara ni halahi laing songon natuarina i.

1 SAMUEL 28:15

Dung i mangkuling ma si Samuel tu si Saul, “Biasi gangguonmu au? Biasi dipiohon ho au mangulahi?” Dialusi si Saul ma, “Ma puntol pikiranku hara ni na diporangi ni halak Pilistin, hapengani na dung ditadingkon Debata au. Nada dialusi ia be au, sanga na markite-hite angka panurirang, sanga marhite sian nipi. Jadi hara ni i na mangelek-elek ma au tu ho amang, anso paboa sanga aha noma sibaenonku.”

MASMUR 138:3

Mangalusi do Ho muda pio-pio au tu Ho, marhite hagogoanMu, au dipargogoi Ho.