1 SAMUEL 3:19 - BIBEL JAMITA NA DENGGAN

¹⁹ Mur magodang ma si Samuel. Didongani Tuhan do ia jana dipatulus do tutu tarjadi sude na nidok ni si Samuel.

1 SAMUEL 3:19 Referans Kwoze

PAMUNGKAAN 39:2

Didongani Tuhan do si Josep, gabe sai manjadi do sude karejonia. Di bagas ni tuannia i do ia tinggal, i ma halak Mesir i.

1 SAMUEL 9:6

Dialusi hatoban i ma, “Painte jolo! Adong do di kota on sada halak naposo ni Debata. Na sangap situtu do ia dibaen halak hara ni sude hatania na tutu situtu tarjadi. Beta ma hita tusi, betak na paboaonnia do tu hita sanga na di dia halode i.”

1 RAJA-RAJA 8:56

“Pinuji ma Tuhan na dung mangalehen hasonangan tu bangsoNa songon na dung dijanjihonNia marhite si Musa naposoNa i. Sude janji i denggan do jana madung dipatulus Ia.

LUKAS 2:52

Mur honok mur magodang ma Jesus jana mur marbisuk boti jop roha ni Debata dohot jolma diSia.

2 TIMOTEUS 4:22

Sai didongani Tuhan i ma tondimu. Sai didongani asi ni roha ni Debata ma hamu!

1 SAMUEL 2:21

Dipasupasu Debata do si Hanna, gabe sorang ma muse tolu anaknia halaklahi dohot dua anak dadaboru. Si Samuel pe mur magodang ma di jolo ni Debata.

2 KORINTUS 13:11

Ujungna hamu ale angka dongan! Sai marjop ni roha ma hamu jana margogo parayakkon na sanggam. Jagit hamu ma sude sipaingotki. Sai saroha ma hamu jana mardame-dame. Donganan ni Debata parholong jana pardame i ma hamu.

LUKAS 2:40

Mur magodang ma Dakdanak i, jana mur gogo, gok hapistaran, asa didongani asi ni roha ni Debata do Ia.

LUKAS 1:80

Mur magodang ma anak ni si Zakaria i, tondinia pe mur margogo. Di halongonan do ia tinggal lopus dapot hatihana laho patidahon diri ia tu bangso Israel.

JESAYA 43:2

DongananKu do ho di na mamolus aek na bagas, nada mayup ho mamolus angka batang aek; nada mosok ho muda mamolus api nada tutungon ni banggar ni api be ho.

1 SAMUEL 18:14

Manjadi do sude karejonia, angke didongani Tuhan do ia.

MATEUS 1:23

“Denggan ma pamatang ni sada bujing-bujing, sorang ma sian ia sada anak halaklahi. Digoari ma Dakdanak i Immanuel.” (Di hata Ibrani, Immanuel astuanna “Debata do rap dohot hita”.)

JESAYA 44:26

Tapi Hupalalu do tahi ni angka naposongKu, songon i nang angka tahi ni suruanKu. Hupaboa do inganan ni pangisimu mangulahi Jerusalem jana pajegeson ma mangulahi angka kota luat ni Juda. Jongjong ma mangulahi angka kota na dung sego i.

PAMUNGKAAN 21:22

Di hatiha i ro ma Raja Abimelek dohot si Pikol panglima ni tentarania tu si Abraham, didok halahi ma, “Sai didongani Debata do ho di sude na nikarejohonmu.

LUKAS 1:28

Jadi ro ma surusuruan i tu si Maria mandok, “Horas ma di ho, bujing-bujing na nipasupasu ni Tuhan! Sai rap do Tuhan i dohot ho!”

HAKIM-HAKIM 13:24

Dung adong sadia honok muse, ditubuhon ripe ni si Manoah i ma sada anak halaklahi jana dibaen ia ma goarna si Simson. Mur magodang ma dakdanak i boti dipasupasu Tuhan;

PAMUNGKAAN 28:15

Ingot ma! Sai na dongananKu do ho jana ondihononKu sanga na tu dia pe ho kehe, jana obanonKu do ho mangulahi tu luat on. Nada tadingkononKu ho lopus Hupatulus sude sanga aha na Hujanjihon tu ho.”

1 SAMUEL 12:2

Mamungka saonnari ia noma na mamimpin hamu. Anggo au madung matobang. Madung lolot sajo au mamimpin hamu – sian haposoonku dope lopus saonnari. Angka dakdanakku na dung magodangi i ma tandana.

1 SAMUEL 16:18

Umbege i, didok sada halak hatobannia i ma, “Adong do anak ni si Isai na sian kota Betlehem na malo marmusik. Na barani do i jana sada parangan na burju. Boti muse na togap jana na malo mandok hata, jana didongani Tuhan do ia.”

PAMUNGKAAN 39:3

Diida tuannia, na nidonganan ni Tuhan do si Josep jana sai manjadi do sude na nikarejohon ni si Josep dibaen Tuhan.

PANGARATAION 18:22

Muda manghobari sada panurirang mamake goar ni Tuhan, hape nada tulus masa na nidoknia i, nada sian Tuhan ro tona i. Sian goarna sandiri do manghobari panurirang i, jana ulang pola mabiar hamu tusi.”

JOSUA 21:45

Dipatulus Tuhan do sasude na dijanjihonNia tu halak Israel; sada pe nada adong na so dipatulusNia.

1 SAMUEL 2:26

Tapi anggo si Samuel dakdanak i, mur magodang ma ia boti mur pajop roha ni Tuhan bope roha ni jolma sudena.

1 SAMUEL 10:7

Muda tulus na songon i, baen ma sanga aha na didok rohamu denggan, angke didongani Debata do ho.

1 SAMUEL 18:5

Sai monang do si Daud marporang sanga na tu dia pe disuru si Saul ia kehe. Jadi hara ni i diangkat si Saul ma ia gabe pamimpin ni tentarana jana jop do roha ni sude parangan maradu angka hatoban ni si Saul mida si Daud.

1 SAMUEL 18:12

Diida si Saul ma bahaso na nidonganan ni Tuhan do si Daud, hape anggo ia sandiri ditadingkon Tuhan do. Jadi gabe mabiar ma ia maradopkon si Daud.

2 RAJA-RAJA 10:10

On ma tandana paboa na angkon tulus sandok na nipaboa ni Tuhan taringot tu pomparan ni si Ahab. Dipatulus Tuhan do sanga aha na nidokNia markite-hite naposoNia di Elia.”

2 RAJA-RAJA 22:16

Pandok ni Tuhan, “UhumanKu ma Jerusalem dohot sude halak kota i, songon na tarsurat di buku na baru nisise ni raja i.

JESAYA 55:11

laing songon i do hatangKu na haruar sian pamanganKu, nada mulak boti i tu Au; tapi patuluson ni i do hagiotKu, jana marlabo do i di bagasan aha na dung Husuruhon tusia.