1 SAMUEL 27:9 - BIBEL JAMITA NA DENGGAN

⁹ jana dibunu halahi do sude halaklahi dohot dadaboru jana dirampas halahi biri-biri, lombu, halode, unto dohot angka pakean na. Dung i mulak ma ia jana dipaboa ia do tu si Akhis.

1 SAMUEL 27:9 Referans Kwoze

1 SAMUEL 15:3

Antong, kehe ma ho jana porangi ma halak Amalek i jana segohon ma sandok arta ni halahi. Ulang adong tadingkon sanga na aha pe; bunu sude halaklahi, dadaboru, dakdanak dohot na baru sorang; lombu, biri-biri, unto dohot halode.”

1 SAMUEL 15:7

Dung i marporang ma si Saul dohot halak Amalek jana talu ma halahi dibaen ia di dalan na sian Hawila lopus tu Sur di Habincaran ni Mesir.

JOSUA 6:21

Sude halak na adong di kota i, na tobang na poso, halaklahi dadaboru dibunu do sude dohot podang. Sude pahan-pahanan lombu, biri-biri dohot halode pe dibunu.

HARURUAR 15:22

Dung i dioban si Musa ma bangso Israel sian Laut Rara adop Parhorsihan Sur. Tolu ari halahi mardalan mamolus parhorsihan i nada ungada marsuo dohot aek.

PAMUNGKAAN 25:18

Di holang-kolang ni Hawila dohot Sur do maringanan pomparannia i, i ma di Habincaran ni Mesir tu Asur. Marsirang do halahi sian pomparan ni si Abraham na asing i.

PAMUNGKAAN 16:7

Ro ma surusuruan ni Tuhan mandapotkon ia di lambung ni mual ni aek di parhorsihan, di dalan laho tu Parhorsihan Sur.

1 SAMUEL 15:8

Ditangkup ia ma Raja Agag, raja ni Amalek i, jana dibunu ma sude rayatna i.

JOB 1:3

Tamba ni i bahat do angka naposonia, pitu ribu biri-birinia, unto tolu ribu, lombu saribu dohot halode lima ratus. Pendek hata dohonon, ia ma na kumayo sian sude halak na maringanan di Luat Habincaran.