1 SAMUEL 27:2 - BIBEL JAMITA NA DENGGAN

² Jadi manigor kehe ma si Daud dohot parangannia na onom ratus halak i tu si Akhis anak ni si Maok raja ni kota Gat.

1 SAMUEL 27:2 Referans Kwoze

1 SAMUEL 25:13

“Alitkon hamu ma podangmunu!” ning si Daud mamarenta jana marsibaen ma songon i. Si Daud pe dialitkon ia ma podangnia jana kehe ma ia dohot halahi hira-hira opat ratus halak bahatna, tapi anggo na dua ratus nari tinggal ma manjago barang-barang.

1 SAMUEL 21:10

Laing di na sadari i do si Daud kehe maporus sian si Saul, lopus lalu ia tu si Akhis raja ni Gat.

1 SAMUEL 30:8

Dung i marsapa ma si Daud tu Tuhan, “Angkon kojaronku do ulaning garombolan pangaroro i? Tarkojar au dope halahi?” Dialusi Tuhan ma, “Olo, kojar ma! Dapot ho dope i jana paluaonmu ma angka na tartaban i.”

1 SAMUEL 30:9

Jadi kehe ma si Daud dohot parangannia sionom ratus halak i. Di na lalu halahi tu Batang aek Besor, tinggal ma deba sian halahi disi.

1 JUJUR TAON 12:1

Di na gilo si Daud sian jolo ni Raja Saul, martabuni ma ia di Ziklag. Bahat do angka parporang na burju bope na marpangalaman na dohot mangihutkon si Daud.

1 SAMUEL 21:11

Dipaboa angka pagawena i ma tu si Akhis, “Inda he si Daud, raja di halahi? Inda he ia do na nitortoran ni angka dadaboru lalu marendei, ‘Si Saul mamunu marriburibu musu, tapi si Daud mamunu marpulu ribu!’ ”