1 SAMUEL 27:11 - BIBEL JAMITA NA DENGGAN

¹¹ Sahalak pe nada adong na dipadiar ia mangolu di angka inganan na diporanginia i, anso ulang adong be halak na tarbaen kehe tu Gat laho paboahon sanga aha satutuna na tarjadi na nibaen ni si Daud dohot parangannia i. I ma na dibaen ni si Daud salolot maringanan di Luat Pilistin ia.

1 SAMUEL 27:11 Referans Kwoze

PODA 29:25

Muda jolma do dihabiari ho, na mambaen jorat do ho di dirimu; tapi haposi ma Tuhan, anso dijagohon Ia ho.

PODA 12:19

Umur ni gabus nada ginjang; hata na tutu, martahan sapanjang.

1 SAMUEL 22:22

Jadi gabe didok si Daud ma tusia, “Di na huida si Doeg disi di ari i, huboto do na giot mangadu ma ia tu si Saul. Jadi au ma na martanggung jawab salaho tu parmate ni sude kahanggimi.

1 SAMUEL 27:10

Muda disapai si Akhis tusia, “Di dia hamu on mamorangi?” Jadi didok si Daud ma tusia, na kehe ia tu bagian Selatan ni Juda sanga tu luat ni halak Jerahmeel sanga tu luat na niinganan ni halak Keni.

1 SAMUEL 27:12

Tapi pos do roha ni si Akhis di si Daud jana didok ia di bagasan rohania, “Songon i ma antong santakna goyak ni roha ni bangsonia sandiri tusia, lopus tarpaksa gabe naposongku ia sapanjang di ngolunia.”

1 SAMUEL 30:2

Sahalak pe nada adong dibunu halahi. Tapi disurbu halahi sude kota i jana dipatorus halahi mardalan maroban angka dadaboru, dakdanak dohot halak kota i na deba nari.

JEREMIA 41:4

Ancogotna i taran so tarboto tu halak na hona bunu si Gedalya,