1 SAMUEL 26:21 - BIBEL JAMITA NA DENGGAN

²¹ Dung i dialusi si Saul ma, “Ma sala na hubaen i. Mulak ma ho anakku, Daud! Nada baenonku be na jahat tu ho, dibaen madung dipadiar ho au mangolu napotangin. Na bodo ma antong pangalahongku. Na dung tutu situtu do au hape lilu.”

1 SAMUEL 26:21 Referans Kwoze

1 SAMUEL 24:17

Dung sidung si Daud na pajojorkon hata i, didok si Saul ma, “Tutu dehe i, anakku si Daud ho?” Lalu tangis ma ia.

1 SAMUEL 15:24

Umbege i, mangoku ma si Saul tu si Samuel, didok ia ma, “Tutu do i madung mardosa au, hulaosi do parenta ni Tuhan jana hupasiding sipaingotmi. Na mabiar do au tu paranganki gabe huoloi pangidoan ni halahi i.

HARURUAR 9:27

Dung i disuru raja i ma anso dipio si Musa dohot si Harun, ninna ma, “Madung mardosa au sanoli on. Tigor do Tuhan i tapi au do dohot rayatku na marsala.

MATEUS 27:4

Ning ia ma, “Ma mardosa au, manghianat au tu halak na so marsala gabe didabu uhum mamatehon Ia!” Didok halahi ma mangalusi, “Ahana ma i di hami? Urusanmu do i!”

1 SAMUEL 15:30

Dialusi si Saul ma, “Ma mardosa au tutu. Tapi pinomat ma tarpatuduhon ho amang tu au sangap sian ho di jolo ni angka pamimpin ni bangsongku dohot di sude Israel. Rap dohot au ma ho mulak anso laing tarbaen au maribadat tu Tuhan Debatami.”

MASMUR 116:15

Arga do di roha ni Tuhan hamamate ni hasian ni rohaNia.

MASMUR 49:8

Nada i mambaen tuk, sanga aha pe na nilehennia, magodangtu do arga ni partobus ni hosana,

1 SAMUEL 27:4

Dung dibege si Saul na maporus si Daud tu Gat, nada pola be diusahahon ia manangkupsa.

1 SAMUEL 26:24

Antong, songon raja i na hupadiar mangolu di ari sadari on, sai songon i ma nian dijagohon Tuhan au jana dipalua sian sude parmaraan!”

1 SAMUEL 18:30

Ganop ro tentara ni Pilistin mamorangi, sai manjadi do si Daud ulang pado angka parangan ni si Saul na asing i. Jadi mur tarbonggal ma si Daud.

BILANGAN 22:34

Didok si Bileam ma, “Madung mardosa au. Nada huboto na jongjong do Ho di tonga dalan laho mangambat au. Jadi saonnari pe, muda sala do hutoruskon pardalananku mangihutkon pandapotMu, mulak pe au.”

1 SAMUEL 26:22

Tapi dialusi si Daud ma, “Indon do tombak ni raja i, suruhon ma sahalak tentarami ro tuson mangalapsa.

MASMUR 72:14

Sian panyosak dohot na mangasa gogo, dipalua ia do halahi, angke arga do disia ngolu ni halahi.

1 SAMUEL 13:13

Umbege i gabe didok si Samuel ma tu si Saul, “Santak do bodona na nibaen ni raja i. Sugari sura dioloi raja i parenta ni Tuhan Debata na tu raja i, pasti do pahoton ni Tuhan raja i dohot pomparan ni raja i di Israel salolot-lolotna.

2 RAJA-RAJA 1:13

Disuru raja i ma sanoli nari sahalak parpangkat rap dohot lima pulu halak nari. Manangkok ma parpangkat i tu dolok i; jadi dung lalu ia tu jolo ni si Elia, marsinggang ma ia jana didok ia ma, “Mangido ampun ma hami o, ale naposo ni Debata! Ibo ma rohamu mida au dohot angka parangankon; ulang ma dimatehon hami!

2 RAJA-RAJA 1:14

Dua parpangkat na asing rap dohot parangan ni halahi na mate dipangan api na sian langit; tapi mangido ma au, ibo ma rohamu mida au!”