1 SAMUEL 25:2 - BIBEL JAMITA NA DENGGAN

² Di hatiha i adong do sada bayo di Maon, nampuna usaho di lambung kota Karmel. Na kayo do ia jana adong do tolu ribu biri-birinia dohot hambengnia saribu. Sanoli manggusting imbulu ni biri-birina do ibana di Karmel.

1 SAMUEL 25:2 Referans Kwoze

1 SAMUEL 23:24

Jadi kehe ma halahi mulak tu Zip manjoloi si Saul. Di hatiha i di Parhorsihan Maon di rura na lungun na di Luat Selatan ni Parhorsihan Juda do si Daud dohot parangannia i.

JOSUA 15:55

Songon i muse sisampulu kota na mangihut on dohot angka luat na humaliangna: Maon, Karmel, Zip, Juta, Jisreel, Jokdeam, Zanoah, Kain, Gibea dohot Timna.

PAMUNGKAAN 38:13

Dipaboa sada halak ma tu si Tamar na giot ro si Juda amangborunia i tu Timna laho pagustingkon imbulu ni biri-birinia.

JOB 42:12

Dipasupasu Tuhan ma si Job, maradu marlobi-lobi di angka ngolunia na tinggal i, lumobi sian dompak so masa sitaononnia i. Adong do opat bolas ribu bahatna hambeng biri-biri ni si Job, onom ribu untonia, dua ribu lombu dohot saribu halode.

JOB 1:3

Tamba ni i bahat do angka naposonia, pitu ribu biri-birinia, unto tolu ribu, lombu saribu dohot halode lima ratus. Pendek hata dohonon, ia ma na kumayo sian sude halak na maringanan di Luat Habincaran.

2 SAMUEL 19:32

Ma matobang situtu si Barsilai, ma pola marumur ia salapan pulu taon. Na kayo situtu do ia jana salolot maringanan di Mahanaim raja i najolo, si Barsilai ma na paradehon sipanganon di raja i.

1 SAMUEL 30:5

I noma marsak ni si Daud dohot paranganna i, gabe tangis ma halahi nada marnamantak lopus gale-gale.

PAMUNGKAAN 26:13

Mur martamba-tamba do sinadongannia jana gabe halak na maradong situtu ma ia.

PAMUNGKAAN 13:2

Kayo situtu do si Abram, adong do biri-birinia, hambeng, lombu songon i muse perak dohot sere.

MASMUR 17:14

Palua ma au dohot tanganMu, ale Tuhan, sian angka jolma portibi on, na dapotan bagian di pangoluon on, padiar ma dipabutong butuha ni halahi dohot na dung dipasingkopMu, gabe dohot ma angka dakdanak ni halahi butongan, jana angka na teba i dilehen tu angka dakdanak na menek.

1 SAMUEL 15:12

Ancogotna i, manyogot dope, kehe ma si Samuel anso marsuo nian dohot si Saul. Dipaboa ma tusia bahaso na dung kehe si Saul tu kota Karmel jana dipajongjong ia disi sada batu parningotan disia, sian i torus ia tu Gilgal.

PAMUNGKAAN 31:19

Topet do hatiha kehe si Laban manggusting angka biri-birina, jana disi ma ditangko si Rahel dewa parsaripeon nampuna ni amangnia i.

PODA 30:22

Sada hatoban na gabe raja, sada na oto na tarbaen mandapot sude por ni rohana