1 SAMUEL 24:8 - BIBEL JAMITA NA DENGGAN

⁸ Songon i ma dielek si Daud parangannia i, jana nada dipaloas ia halahi mangalo si Saul. Jongjong ma si Saul jana ditadingkon ia ma liang i laho patoruskon pardalanannia.

1 SAMUEL 24:8 Referans Kwoze

SURAT NI SI PAULUS TU PARLAGUTAN ROM 13:7

Garari hamu ma tu sude halak sanga aha na patut sigararonmunu: Garar hamu ma pajak di na patut manggarar pajak hamu, garari hamu bea di na patut manggarar bea. Habiari hamu ma na patut sihabiaran jana parsangapi hamu ma na patut sipasangapon.

1 SAMUEL 26:17

Ditandai si Saul do sora ni si Daud jana disapai ia ma, “Ho dehe i, amang Daud?” Dialusi si Daud ma, “Olo, rajanami.”

1 SAMUEL 20:41

Dung kehe dakdanak i, ruar ma si Daud sian balik ni batu na martimbun i, lalu manungkap ma ia tolu noli. Tangis ma ia, songon i muse dohot si Jonatan di na marsiummaan halahi. Gumodang dope arsak ni si Daud ulang pado si Jonatan.

HARURUAR 20:12

Pasangap ma amangmu dohot inangmu, anso ginjang umurmu di tano na nilehen ni Tuhan Debatamu di ho.

PAMUNGKAAN 17:3

Gabe manungkap ma si Abram, dung i didok Debata ma,

1 PETRUS 2:17

Pantun ma hamu tu sude halak, haholongi hamu ma donganmunu sahaporsayaan tu Kristus. Habiari hamu ma Debata jana pasangap ma Kesar i.

1 SAMUEL 24:7

Didok ia ma tu parangannia i, “Sai Tuhan ma manjagohon ulang jabat tarbaen au na jahat maradopkon rajangku na nipili ni Tuhan i. Saotik pe na so tola do parkancitanku ia, dibaen raja na nitodo ni Tuhan do ia!”

1 SAMUEL 24:9

Si Daud pe ruar muse ma sian liang i jana pio-pio ma ia sian pudi ni si Saul, “Ale rajanami!”

1 SAMUEL 28:14

“Bia tompana?” ning si Saul marsapa. Alusnia, “Sada bayo na matobang. Mulgap ia marpakean juba.” Jadi diboto si Saul ma, si Samuel do i jana manungkap ma ia mamparsangapi panurirang i.

1 RAJA-RAJA 1:31

Dung i unduk ma si Batseba lalu didokkon ia, “Horas ma raja i ro di salolot-lolotna.”