1 SAMUEL 24:7 - BIBEL JAMITA NA DENGGAN

⁷ Didok ia ma tu parangannia i, “Sai Tuhan ma manjagohon ulang jabat tarbaen au na jahat maradopkon rajangku na nipili ni Tuhan i. Saotik pe na so tola do parkancitanku ia, dibaen raja na nitodo ni Tuhan do ia!”

1 SAMUEL 24:7 Referans Kwoze

MATEUS 5:44

Tapi saonnari Au mandok di hamu: Haholongi ma alomu jana tangiangkon ma halak na mamparkanciti ho,

1 SAMUEL 25:33

Tarimakasi ma di Debata hara ni pikiranmu na torang mangambati au patuluskon pamunuon dohot na mangasahon gogo.

1 SAMUEL 24:6

Tapi dung salpu, songon na sala do tu pangkilalaannia dung dibaen ia songon i.

1 SAMUEL 24:8

Songon i ma dielek si Daud parangannia i, jana nada dipaloas ia halahi mangalo si Saul. Jongjong ma si Saul jana ditadingkon ia ma liang i laho patoruskon pardalanannia.

1 SAMUEL 26:9

Tapi didok si Daud ma, “Ulang hahua ia! Pasti do hona uhum baenon ni Tuhan halak na mambaen jahat tu raja na nipiliNia.

1 SAMUEL 12:3

Saonnari jongjong au di jolomunu! Ampot adong hasalaan na hubaen, tudu hamu ma au di adopan ni Tuhan dohot di jolo ni raja na nipiliNia i. Jungada dehe au mambuat lombu sanga halode ni halak na asing? Unjung dehe au manipu sanga mamparkanciti sanga manjagit hepeng sogok? Dokkon hamu ma, anso hupaulak sanga aha na hubuat i.”

1 SAMUEL 26:23

Sai na pasupasuon ni Tuhan do ganop halak na burju jana na tigor. Angke haru pe dipasahat Tuhan raja i sadari on tu au, tapi na so ra do au mambaen jahat maradopkon raja na nipili ni Tuhan.

2 SAMUEL 1:14

Didok si Daud ma, “Na puluk ma ho antong mamunu raja na nipili ni Tuhan!”