1 SAMUEL 24:4 - BIBEL JAMITA NA DENGGAN

⁴ Jadi lalu ma si Saul di lambung ni angka bara ni hambeng di topi ni dalan. Adong muse do disi sada liang jana masuk ma si Saul tusi laho tu aek na godang. Hape nian laing di liang i muse do topet si Daud dohot parangannia i martabuni tar dumao tu bagasan.

1 SAMUEL 24:4 Referans Kwoze

1 SAMUEL 26:23

Sai na pasupasuon ni Tuhan do ganop halak na burju jana na tigor. Angke haru pe dipasahat Tuhan raja i sadari on tu au, tapi na so ra do au mambaen jahat maradopkon raja na nipili ni Tuhan.

1 SAMUEL 24:10

Manaili ma si Saul tu pudi jana tungkap ma si Daud mamparsangapi lalu didok ia, “Biasi ditangihon raja i hata-hata ni halak na mandok na giot agoonku raja i?

1 SAMUEL 24:18

Jadi didok ia ma tu si Daud, “Ho do na tutu jana au do na sala. Hajahatonku maradopkon ho madung dibaloskon ho dohot na denggan.

1 SAMUEL 23:17

Didok si Jonatan ma tusia, “Ulang ho mabiar, indangkan na lalu ho madabu tu tangan ni amanta. Torang do diboto amanta, ho do gontinia na gabe raja ni Israel jana au ma juguk di torumu.”

1 SAMUEL 23:7

Dung dipaboa tu si Saul na di Kehila si Daud, ning rohania ma, “Ma dipasahat Debata si Daud tu au. Ma hona jorat ia di na masuk ia tu kota na martembok jana na marpintu horbangan i.”

JOB 31:31

Diboto angka halak na markarejo tu au do, hutamu do di bagasku sanga ise sajo.

2 SAMUEL 4:8

Dung i dipasahat halahi ma ulu ni si Isboset i tu si Daud di Hebron mardongan hata, “On ma ulu ni si Isboset anak ni si Saul musu ni raja i na sai marpupu giot mamunu raja i. Sadari on ma dibaloskon Tuhan tu raja i pangalaho ni si Saul dohot pomparanna.”

HARURUAR 21:13

Tapi anggo so na nisangajona do na mamukul i jana nada adong hian maksudna mamatehonsa, tola do lari tu sada inganan sipaboaonKu tu ho, jana disi ma ia anso malua.

1 SAMUEL 22:1

Dung i ditadingkon si Daud ma kota Gat jana martabuni ma ia di liang na di lambung ni kota Adulam. Di na tarbege tu angka angkangnia dohot tu sude sisolkotnia bahaso na disi ia, ro ma halahi mandapotkon ia.

MASMUR 57:1

Ibo ma rohaMu, mida au, ale Debata, ibo ma rohaMu di au, angke marpangondian tu Ho do au. Di linggoman ni habongMu do au martabuni, lopus mantak angka panyego-nyego i.

MASMUR 142:1

Pio-pio do au tu Tuhan, tuSia do au mangido partolongan.