1 SAMUEL 24:18 - BIBEL JAMITA NA DENGGAN

¹⁸ Jadi didok ia ma tu si Daud, “Ho do na tutu jana au do na sala. Hajahatonku maradopkon ho madung dibaloskon ho dohot na denggan.

1 SAMUEL 24:18 Referans Kwoze

1 SAMUEL 26:23

Sai na pasupasuon ni Tuhan do ganop halak na burju jana na tigor. Angke haru pe dipasahat Tuhan raja i sadari on tu au, tapi na so ra do au mambaen jahat maradopkon raja na nipili ni Tuhan.

MASMUR 31:8

Nada dipadiar Ho au ditangkup musungku, tapi dijagohon Ho do au gabe sonang.

1 SAMUEL 26:8

Dung i didok si Abisai ma tu si Daud, “Madung dipasahat Debata di borngin on musumu tu ho. Paloas ma hupantikkon ia tu tano i dohot tombaknia i sandiri, anso hupangabis ia santiham hubaen, nada pola jabat dua noli baenonku!”

1 SAMUEL 24:10

Manaili ma si Saul tu pudi jana tungkap ma si Daud mamparsangapi lalu didok ia, “Biasi ditangihon raja i hata-hata ni halak na mandok na giot agoonku raja i?

1 SAMUEL 23:7

Dung dipaboa tu si Saul na di Kehila si Daud, ning rohania ma, “Ma dipasahat Debata si Daud tu au. Ma hona jorat ia di na masuk ia tu kota na martembok jana na marpintu horbangan i.”

1 SAMUEL 24:19

Madung dipatidahon di ari sadarion na denggan do hape rohamu tu au, angke nada dibunu ho au haru pe na dung dipasahat Tuhan au tu tanganmu.

PAMUNGKAAN 38:26

Ditanda si Juda do barang-barang i, gabe didok ia ma, “Tigor do anak boru i. Au do na so manggohi na patut baenonku tusia – aturanna angkon pabagasonku do ia antong tu anakku si Sela.” Jadi nada be jungada si Juda marmainan dohot si Tamar.

MASMUR 7:5

padiar ma au diayak jana ditangkup musu, torus dibunu jana ditinggalkon di bagasan abu.

PODA 25:22

Marhite na songon i gabe maila ma ia dibaen ho jana pasupasuon ni Tuhan ma ho.