1 SAMUEL 23:10 - BIBEL JAMITA NA DENGGAN

¹⁰ Jadi didok si Daud ma, “Tuhan, Debata ni Israel, madung hubege na giot ro si Saul tu Kehila laho mangaroncohon kota on hara ni au naposoMon.”

1 SAMUEL 23:10 Referans Kwoze

PODA 28:15

Parjahat na markuaso tu halak na marhahurangan, songon singa na marngaur sanga songon gompul na manyoro do i.

ESTER 3:6

Jana dung diboto ia na halak Jahudi do hape si Mordehai, dibaen ia ma haputusan laho manguhum si Mordehai jana nada hum ia sajo, tapi na giot pusaonnia muse ma sandok bangso Jahudi na di harajaan Persia.

1 SAMUEL 23:8

Jadi diarahon si Saul ma tentarania anso kehe tu Kehila laho manghobuk si Daud rap dohot parangannia i.

1 SAMUEL 22:19

Laing diparentahon si Saul muse dope anso dibunu sude halak Nob, kota ni malim i; halaklahi, dadaboru, dakdanak dohot na baru sorang, songon i lombu, halode dohot biri-biri – diabiskon sude.

PAMUNGKAAN 18:24

Sugari sura adong lima pulu halak na so marsala di kota i, laing abiskononMu dehe lakna sude kota i? Na so ra be lakna Ho mangampuni anso malua silima pulu halak i?

1 SAMUEL 23:9

Hape na dung tarboto do tu si Daud na martahi na jahat si Saul tusia. Jadi gabe didok ia ma tu Malim Abyatar, “Oban ma efod i tuson.”

1 SAMUEL 23:11

“Tutu dehe barita na hubege i? O Tuhan Debata ni Israel, paboa ma jolo tu au.” Dialusi Tuhan i ma, “Olo, na giot ro ma si Saul.” Dung i disapai si Daud muse, “Pasahaton ni halak kota Kehila on dehe au dohot paranganki tu si Saul?” Dialusi Tuhan i ma, “Olo.”