1 SAMUEL 22:18 - BIBEL JAMITA NA DENGGAN

¹⁸ Jadi gabe didok si Saul ma tu si Doeg, “Aha dope, ho sajo ma mamunu halahi!” Jadi ro ma si Doeg lalu dibunu ia ma angka malim i. Di na sadari i dimatehon ia ma salapan pulu lima halak malim na marhak maroban Efod.

1 SAMUEL 22:18 Referans Kwoze

ZEPANYA 3:3

Songon singa na marngaur-ngaur do angka pamimpin ni kota i. Angka hakimna pe songon angka sorigala na malean do; santak do lahap ni halahi, sada holi-holi pe nada adong na tading tu ancogot ni halahi.

MIKA 6:16

Tarjadi pe sudena i patunda ni na niihutkonmunu ma angka parbuatan jahat na nibaen ni Raja Omri dohot Raja Ahab, anakna i. Diihutkon hamu do antong angka pangalaho ni halahi. Hara ni i roncohononKu ma hamu, jana siincahan dohot silayason ni sandok bangso ma hamu.”

HOSEA 7:3

Didok Tuhan ma, “Martahi ma angka jolma laho pasonangkon raja i dohot angka pagawena anso i dalanna paoto-otohon halahi.

HOSEA 5:11

Marhancit do Efraim binaen ni uhuman, angke sai manggogo do ia mangihutkon na so marguna.

2 JUJUR TAON 24:21

Tapi mambaen kompolotan ma rayat i mangalo si Zakaria, jana dohot do Raja Joas di bagasan kompolotan i. Nada diingot ia be jasa-jasa dohot haburjuon ni si Joyada amang ni si Zakaria i. Diparentahon raja i ma anso didangguri si Zakaria dohot batu lopus mate di alaman ni Bagas Ni Debata. Di na laho tos hosania, pio-pio ma si Zakaria, “Sai diida Tuhan ma pambaenanmon jana dibaloskon Ia!”

1 SAMUEL 2:36

Ganop pomparanmu na mangolu, kehe ma tu malim i jana pangidoonna ma hepeng sanga panganon. Pangidoonna ma, ‘Paloas ma au mangurupi angka malim, anso laing mangan au bope hum sampohul pe.’ ”

1 SAMUEL 2:28

Sian sasude marga ni Israel Hupili do horong ni si Harun gabe malim di Au, laho mangkobasi di langgatan, manutung dupa, dohot mamake baju efod muda mangkobari dohot Au. Jana Hulehen do tu halahi hak laho mambuat deba sian haul parhaulan na ditutung di langgatan i.

1 SAMUEL 2:18

Anggo si Samuel anak ni si Hanna i, dipupu ia do mangoloi Tuhan. Mamake baju efod do ia na dibaen sian abit linen, songon baju parkobas ni angka malim.

HARURUAR 28:40

Baen ma kameja, bobat dohot kupia di angka dakdanak ni si Harun anso toman boti jeges idaon.

MASMUR 78:64

Jorbut do dibaen mamunu angka malimna, nada tarbaen tangis, angka na mabaluna i.

PODA 24:15

Ulang iba songon halak na jahat na marpokat manyamun halak na burju jana mangarampas bagasna.