1 SAMUEL 22:14 - BIBEL JAMITA NA DENGGAN

¹⁴ Jadi dialusi si Ahimelek ma, “Panglima na umburju do si Daud di raja i! Babere ni raja i sandiri do antong ia, kapala ni pangawal ni raja i sandiri, jana na diparsangapi ni sude halak na adong di bagas godang ni raja i tusia.

1 SAMUEL 22:14 Referans Kwoze

1 SAMUEL 20:32

Jadi dialusi si Jonatan ma, “Biasi angkon sai mate ia? Aha dosania?”

1 SAMUEL 26:23

Sai na pasupasuon ni Tuhan do ganop halak na burju jana na tigor. Angke haru pe dipasahat Tuhan raja i sadari on tu au, tapi na so ra do au mambaen jahat maradopkon raja na nipili ni Tuhan.

1 SAMUEL 24:11

Saonnari diida raja i sandiri ma nangkin di bagasan liang i madung dipasahat Tuhan raja i tu au. Na dung dielek-elek do au laho mamunu raja i tapi nada ra au. Hualusi do, na so ra au mamparkanciti rajangku na nipili ni Tuhan.

1 SAMUEL 22:13

Disapai si Saul ma tusia, “Biasi satahi ho dohot si Daud laho mangalo au? Biasi dilehen ho balanjonia roti jana dilehen ho podang dohot dipangido ho panogu-noguon sian Debata? Jadi gabe dialo ia au saonnari jana na painte hatiha hadenggananna ma ia laho mamunu au?”

1 SAMUEL 21:2

Dialusi si Daud ma, “Na disuru ni raja i do au jana nada tola paboaon karejo on sanga na tu ise pe. Jadi madung hutonai paranganku mandapoti au di sada inganan.

1 SAMUEL 18:13

Jadi gabe dipadao ia ma si Daud sian humaliang bagas godang i jana dibaen ma ia gabe pamimpin ni saribu halak tentara. Jadi songon i ma si Daud sai mamimpin parangannia di sandok parporangan.

1 SAMUEL 17:25

“Ligi ma!” ninna halahi na sada tu na asing. “Bege ma pangalap-alapinia i! Madung dijanjihon si Saul rajanta i, sanga na ise pe na mamunu si Goliat, dapotan upa na godang. Tola muse ma buatonna boru ni raja i. Jana malua ma sian pajak amangna i.”

1 SAMUEL 25:28

Anju ma jolo hahurangankon. Angke tuan i dohot pomparan ni tuan i do baenon ni Tuhan gabe raja di Israel, angke na marporang di Tuhan do antong tuan i; jana nada tompuon ni hajahatan tuan i salolot mangolu.