1 SAMUEL 22:1 - BIBEL JAMITA NA DENGGAN

¹ Dung i ditadingkon si Daud ma kota Gat jana martabuni ma ia di liang na di lambung ni kota Adulam. Di na tarbege tu angka angkangnia dohot tu sude sisolkotnia bahaso na disi ia, ro ma halahi mandapotkon ia.

1 SAMUEL 22:1 Referans Kwoze

1 JUJUR TAON 11:15

Sanoli marbandar ma sapunguan tentara ni halak Pilistin di Rura Refaim. Ro ma tolu halak perwira ni si Daud sian sitolu pulu halak na umbonggal mandapotkon si Daud di dolok batu na di lambung ni liang Adulam.

IBRANI 11:38

Inganan na so tama do portibi on di halahi. Di parhorsihan dohot di dolok-dolok i do halahi madang-adang, jana di bagasan angka liang dohot di angka rigat ni tano i do halahi maringanan.

MASMUR 34:1

Sai giot mandok tarimakasi do au tu Tuhan ganop ari, jana ulang mantak nian tuSia au mamuji-muji.

MIKA 1:15

Ale halak Maresa! Pasahaton ni Tuhan ma hamu tu musu na giot manaluhon kotamunu. Martabuni di angka liang ma angka pamimpin ni Israel di Adulam.

MIKA 1:3

Manuat do Ia sian parmiananNa na badia i, jana mardalan di angka puncu ni dolok na di portibi.

PAMUNGKAAN 38:1

Laing tar di hatiha i, ditadingkon si Juda ma angka kahangginia i jana sainganan ma ia dohot si Hira sada bayo na marasal sian kota Adulam.

1 SAMUEL 24:4

Jadi lalu ma si Saul di lambung ni angka bara ni hambeng di topi ni dalan. Adong muse do disi sada liang jana masuk ma si Saul tusi laho tu aek na godang. Hape nian laing di liang i muse do topet si Daud dohot parangannia i martabuni tar dumao tu bagasan.