1 SAMUEL 21:7 - BIBEL JAMITA NA DENGGAN

⁷ Topet muse do hape disi di ari i si Doeg halak Edom, kapala ni parmahan ni si Saul laho patuluskon sada aturan ni ugamo.)

1 SAMUEL 21:7 Referans Kwoze

1 SAMUEL 22:9

Disi muse do si Doeg kapala ni parmahan ni si Saul rap dohot angka parangan ni si Saul i. Jadi didok si Doeg ma, “Ma huida si Daud mandapotkon si Ahimelek anak ni si Ahitub di Nob.

MATEUS 15:8

‘Dipasangap bangso on do Au hum di pamangan sajo, hape anggo roha ni halahi dao do sian Au, songon i ma pandok ni Debata.

AMOS 8:5

Didok hamu tu dirimunu sandiri, “Na lolot ma so sidung ari pesta. Sai giot gadisonta tibu angka gandumta, hape laing so marnasidung do pesta i. Andigan dope sidung Ari Sabat, anso tarbaen mangulahi marjagal? Ma por rohanta mangakal-akali, mangicu dohot parsuhatan, jana mambuat dohot timbangan.

JEHESKIEL 33:31

Ro do halahi marbahat-bahat songon bangsongKu, tangihonon ni halahi do angka hata na nidokmu, tapi anggo na niparentahonmu nada diterge halahi. Hata holong ni roha do dipajojor bibir ni halahi, tapi anggo rohana di bagasan hum mamikiri untung sajo do.

2 JUJUR TAON 26:10

Laing dipajongjong ia muse ma angka palas-palas na marbenteng di luat padang-padang jana dihuar ia bahat sumur hara ni bahatna pahan-pahanannia di angka partoran na hornop bope di tano napa na toruk na di sabola Hasundutan. Dibaen tartarik do rohania tu partanian, dianjurkon ia do tu rayat i anso manyuan anggur di angka luat na mardolok dohot manggarap luat na napu.

1 SAMUEL 14:47

Dung gabe raja si Saul di Israel, sai marporang do ia sanga na di dia mangalo sude musu ni Israel, i ma halak Moab, halak Amon, dohot halak Edom, angka raja ni Zoba dohot halak Pilistin. Sanga na di dia ia marporang, sai monang do ia.

1 SAMUEL 11:5

Na baru mulak sian ladangna dope hatiha i si Saul maroban lombuna. Disapai ia muse ma, “Aha na masa? Biasi martangisan halak sude?” Dung i dipaboa ma tusia barita na nioban ni utusan na sian Jabes.

PAMUNGKAAN 26:20

Tapi gabe martangkangi ma angka parmahan ni halak Gerar dohot angka parmahan ni si Ishak. Ning halahi ma, “Hami do puna aek on.” Hara ni i, digoari si Ishak ma sumur i, “Partangkangan”.

1 SAMUEL 21:8

Dung i marsapa ma si Daud tu si Ahimelek, “Adong dehe disimpan amang tombak sanga podang na bolas pakeonku? Gabe mopop sajo do parkehengku dibaen parenta na sian raja i, gabe nada sanga be mambuat podangku sanga sinjata na asing pe.”

1 SAMUEL 22:22

Jadi gabe didok si Daud ma tusia, “Di na huida si Doeg disi di ari i, huboto do na giot mangadu ma ia tu si Saul. Jadi au ma na martanggung jawab salaho tu parmate ni sude kahanggimi.

HAMALIMON 22:10

Haul na mardohonan di Au, hum sabagas ni malim i do tola mangankon, halak na asing nada tola, haru pe sabagas halahi sanga parkarejo ni malim.

HAMALIMON 22:13

Tapi boru ni malim na dung marando sanga na disirangkon tapi nada adong anakna, jana madung mulak tu bagas ni amangna jana ngolunia margantung tu halahi tola do mangankon sanga aha pe na nijagit ni amangna sian hamalimon. Hum sabagas ni malim i do na tola mangankon haul sisongon i.

HAMALIMON 24:5

“Buat ma dua bolas kilogram topung, dung i pohul ma i gabe dua bolas.

HAMALIMON 24:8

Ganop Ari Sabat di sude hatiha na giot ro angkon baenon roti i di Bandar Parmianan Ni Tuhan. Angkon baenon ni bangso Israel songon i ro di salolotna.

1 SAMUEL 22:10

Mangido panogu-noguon do si Ahimelek tu Tuhan sanga na aha do sibaenon ni si Daud. Tamba ni i dibaen muse dope balanjo ni si Daud jana dilehen podang ni si Goliat halak Pilistin i.”