1 SAMUEL 20:41 - BIBEL JAMITA NA DENGGAN

⁴¹ Dung kehe dakdanak i, ruar ma si Daud sian balik ni batu na martimbun i, lalu manungkap ma ia tolu noli. Tangis ma ia, songon i muse dohot si Jonatan di na marsiummaan halahi. Gumodang dope arsak ni si Daud ulang pado si Jonatan.

1 SAMUEL 20:41 Referans Kwoze

1 SAMUEL 18:3

Jadi disumpahon si Jonatan ma angkon marale-ale dohot si Daud salolot-lolotna, hara ni holong ni rohania di si Daud.

PAMUNGKAAN 29:11

Dung i diumma ia ma si Rahel, lalu tartangis-tangis ma ia hara ni mogana.

BAENON NI ANGKA RASUL 20:37

Martangisan ma halahi sude, dihaol halahi ma si Paulus jana diummai halahi laho paborhatkon ia.

2 SAMUEL 19:39

Dung i ditaripari si Daud ma dohot sude parangannia Batang aek Jordan. Dung i diumma si Daud ma si Barsilai jana dipasupasu ia. Dung i mulak ma si Barsilai tu bagasnia.

2 SAMUEL 9:6

Si Mefiboset do goar ni anak ni si Jonatan i. Di na ro ia, manungkap ma ia pasangap si Daud. Dipangkulingkon si Daud ma ia mandok, “Mefiboset,” jana dialusi ia ma, “Olo rajanami.”

2 SAMUEL 1:26

O Jonatan, ale-alengku, hancit ate-atengku, angke na arga situtu do ho di au. Holong ni rohamu lumobi surungna tu au, umbagas dope i sian holong ni roha ni dadaboru.

1 SAMUEL 25:23

Dung diida si Abigail si Daud, manigor mijur ma ia sian halodenia i lalu manungkap

1 SAMUEL 10:1

Dung i dibuat si Samuel ma tanduk na marisi miak zetun, lalu diduruskon ia ma i tu ulu ni si Saul jana diumma ia si Saul lalu didok ia, “Madung dipabangkit Tuhan ho gabe raja ni bangsoNa Israel. Parentaonmu ma bangsoNa i jana ondihononmu halahi maradopkon angka musu ni halahi.” On ma tandana di ho, paboa na dung dipili ni Tuhan ho gabe raja di bangsoNia:

PAMUNGKAAN 45:15

Dung i tangis dope ia, dihaol ia ma sude angkangnia i jana diummai ia. Dung i baru ma manghata-hatai halahi dohot ia.

PAMUNGKAAN 43:28

Dialusi halahi ma, “Anggo amanta hami naposomi, laing mangolu dope jana horas do ia.” Jadi marsomba ma halahi tusia.

PAMUNGKAAN 29:13

Jadi di na nibege ni si Laban barita ni si Jakob baberenia i, marlojong ma ia mandapotkonsa. Dihaol si Laban ma si Jakob lalu diummai ia, jana dioban ia ma masuk tu bagas. Dung abis dicaritohon si Jakob sude na tarjadi i tu si Laban,

PAMUNGKAAN 42:6

Hara ni jabatan ni si Josep songon gubernur di Mesir, manggadisi eme ma ia tu halak na ro sian na satano on. Jadi di na songon i, ro muse ma angka angkangnia tusia jana marsomba ma halahi di jolonia.

1 SAMUEL 20:40

Dung i dilehen si Jonatan ma siornia i tu dakdanak i jana disuru ia ma mulak tu kota.

PAMUNGKAAN 33:4

Tapi marlojong ma si Esau mandapotkon ia, lalu dihaol ia ma si Jakob jana diumma ia. Marsitangis-tangisan ma halahi na dua.

1 SAMUEL 24:9

Si Daud pe ruar muse ma sian liang i jana pio-pio ma ia sian pudi ni si Saul, “Ale rajanami!”

2 SAMUEL 1:2

ancogotna i ro ma sada doli-doli sian parbandaran ni si Saul. Songon na marsiluluton, disibakkon ia do pakeannia jana dibaen ia tano di ulunia. Kehe ma ia mandapotkon si Daud jana manungkap di jolonia.

2 SAMUEL 14:4

Kehe ma anakboru i mangadop tu raja i jana manungkap ma ia marsomba jana didok ia ma, “Rajanami na niparsangapan, diurupi raja jolo iba on!”

1 RAJA-RAJA 1:16

Dung dipaunduk si Batseba tu jolo ni raja i, disapai raja i ma, “Adong he giot pangidoonmu?”

1 RAJA-RAJA 1:23

Dipaboa ma tu raja i haroronia i, dung i masuk ma si Natan lalu dipaunduk ia di jolo ni raja i.

1 RAJA-RAJA 1:31

Dung i unduk ma si Batseba lalu didokkon ia, “Horas ma raja i ro di salolot-lolotna.”