1 SAMUEL 2:29 - BIBEL JAMITA NA DENGGAN

²⁹ Antong, biasi dope laing maradu songkal ho mida angka haul na dihaulkon ni bangsongKi tu Au? Eli, biasi sumangap dibaen ho angka anakmi ulang pado Au, jana dipadiar ho pamokmok dirina halahi marhite bagian na dumenggan sian sandok na nihaulkon ni bangsongKu tu Au?

1 SAMUEL 2:29 Referans Kwoze

MATEUS 10:37

Halak na humolongan rohana mida amangna sanga inangna ulang mida Au, nada tumbuk halak sisongon i di Au. Songon i muse halak na humolongan rohana mida anakna sanga boruna ulang mida Au, nada tumbuk halak sisongon i gabe siihutkon Au.

PANGARATAION 32:15

Gabe maradong bangso ni Tuhan, tapi sai tagi mangalo, ditulak halahi do Sipalua na gumogo. Mamokmohi halahi, butongan sipanganon. Ditadingkon halahi do Debata Na Manjadihon.

LUKAS 14:26

“Muda adong halak na ro tu Au, hape holongan do rohania mida inangnia, amangnia, dadaborunia, dakdanaknia, kahangginia, angka ibotonia dohot dirinia sandiri pe tehe, nada tarbaen halak na songon i gabe siihutkon Au.

JAKOBUS 3:17

Tapi sanga ise na maruli habisuhon na ro sian ginjang, na parjolo: Na ias do i, dung i pardame, na burju dohot na ra mangoloi. Gok do i dohot ibo ni roha bope na pataridahon angka parange na denggan. Nada ganggu rohana jana nada mangalancap.

MATEUS 22:16

Disuruhon halahi ma angka anak sisean ni halahi rap dohot piga-piga halak anggota ni si Herodes. Jadi disuru dokkon halahi ma tu halak na nisuruhon ni halahi i mandok tu Jesus songon on, “Hami boto halak na tigor roha do Guru i. Marsitangkas do diajarkon Ho hagiot ni Debata tu jolma. Nada mabiar Ho sanga na tu ise pe halakna. Angke antong inda siida bohi Ho.

MIKA 3:5

Dipaoto-oto angka panurirang do bangsongKu, i ma angka panurirang na burju tu angka jolma na mangalehen hepeng, tapi na margoyak ni roha tu halak na so mangalehen. Tu angka panurirang na songon i didok Tuhan ma,

HOSEA 4:8

Gabe mamora do hamu hara ni dosa ni bangsongKi, i ma dalanna dihagioti hamu anso torus halahi mardosa.

JEHESKIEL 34:2

“Ale anak ni jolma, gorahon ma parmahan ni Israel, jana palalu ma sanga aha na Hudok, Au Tuhan Debata mandok tu halahi, ‘Marjaya ma hamu angka parmahan ni Israel. Hum haporluanmunu sajo do disarihon hamu, nada haporluan ni angka biri-birimu.

JOSUA 18:1

Dung dipatunduk halak Israel luat na nijanjihon ni Tuhan i, marlagut ma sude bangso i di Silo; dipasang halahi ma Bandar Parmianan Ni Tuhan.

PANGARATAION 33:9

Sumurung do haburjuon ni halahi tu Ho. Sumurung sian simatobang maradu koum sisolkot. Dioloi halahi do angka parentaMi parjanjianMu pe digohi.

HAMALIMON 19:15

Angkon tigor jana bonar do ho mandabu uhum di parkaro, ulang ampini na miskin di na so dalanna jana ulang mabiar ho mida halak na mora.

2 KORINTUS 5:16

Jadi hara ni i, nada marguru tu parsuhatan ni jolma be hami manimbang halak. Najolo jungada do hami parsuhatkon parsuhatan ni jolma tu Kristus, tapi anggo saonnari nada be.

SURAT NI SI PAULUS TU PARLAGUTAN ROM 16:18

Harana anggo halak sisongon i nada tu Kristus Tuhanta i halahi markarejo, tapi laho palalu na di roha ni halahi sajo do. Markite-hite hata na lambok jana na tabo begeon, dipaoto-oto halahi do angka halak na bulus roha.

JEHESKIEL 13:19

Dipalayas hamu do Au di adopan ni bangsongKu hum anso dapotan hamu sanjomput bajaure dohot roti piga-piga ponggol. Angka halak na so marsala dibunui hamu, hape anggo halak na patut mate, dipadiar hamu mangolu. Anso tarbaen hamu na songon i, digabusi hamu ma bangsongKi jana porsaya ma halahi tu hamu.’ ”

1 SAMUEL 3:13

Na dung Hupaboa do tusia na giot uhumanKu horongnia sapanjangna hara ni na dipalayas ni anaknia Au. Diboto si Eli do pangalaho ni halahi, hape nada dimuruhi ia halahi.

MASMUR 26:8

Huhaholongi do bagasMu ale Tuhan, inganan parmiananMu na gok hasonangan.

JEHESKIEL 34:10

Au Tuhan Debata mandok tu hamu, musumunu do anggo Au. BuatonKu ma mangulahi angka biri-biringKi sian hamu nada Hupatola be hamu mamikirkon haporluanmunu sandiri. PaluaonKu ma angka biri-biringKi sian hamu, anso ulang be gabe panganonmunu halahi.’ ”

2 RAJA-RAJA 12:6

Hape lopus tu taon padua pulu toluhon dung mamarenta si Joas, laing na so dipadenggan angka malim i dope angka na sego di Bagas Ni Debata.