1 SAMUEL 19:18 - BIBEL JAMITA NA DENGGAN

¹⁸ Dung malua si Daud, kehe ma ia tu bagas ni si Samuel di Rama, lalu dipajojor ia ma sudena na nibaen ni si Saul i tusia. Dung i rap kehe ma si Daud dohot si Samuel tu Nayot jana tinggal disi ma halahi.

1 SAMUEL 19:18 Referans Kwoze

1 SAMUEL 7:17

Jana sai mulak do ia mangulahi tu Rama. Na gabe hakim ni halak Israel do ia disi jana dipajongjong ia muse sada langgatan di Tuhan.

JAKOBUS 5:16

Hara ni i, marsioku dosana ma hamu jana marsitangiangan anso dipamalum hamu. Na margogo situtu do tangiang ni halak na mangihutkon hagiot ni Debata.

MASMUR 116:11

haru pe huambang di bagasan puntol ni pikiranku, “Sahalak pe nada adong haposan ni roha.”

1 SAMUEL 28:3

Madung mate di hatiha i si Samuel jana diandungi sude Israel lalu ditanom di Rama, hutania sandiri. Laing di hatiha i muse, madung dipaorot si Saul sian Israel sude pangaramal dohot datu pamio ni sumangot.

1 SAMUEL 15:34

Dung salpu i kehe ma si Samuel tu Rama, jana si Saul pe mulak noma tu bagasna di Gibea.

1 SAMUEL 19:19

Tapi dipaboa ma tu si Saul na tinggal di Nayot si Daud di lambung ni Rama.

1 SAMUEL 19:22

Jadi hara ni i, gabe si Saul noma kehe tu Rama. Disi lalu di sumur na godang na di Seku, disapai ia ma sanga na di dia si Samuel dohot si Daud, jana dipaboa halak ma tusia na di Nayot halahi.

1 SAMUEL 19:23

Jadi dipatorus ia ma tusi, tapi ia pe digohi Tondi Ni Debata muse ma, gabe manortori dohot marsurak-surak sapanjang na mardalan i tu Nayot.

1 SAMUEL 1:19

Ancogotna i manyogot-nyogot dope, ngot ma si Elkana dohot dongan sabagasnia jana dung salpu maribadat tu Tuhan mulak ma halahi tu Rama. Jana rap ma si Elkana dohot si Hanna dadaborunia i, jana tulus ma dibaen Tuhan tangiang ni si Hanna i.

1 SAMUEL 20:1

Dung i lari ma si Daud sian Nayot jana kehe ma ia mandapotkon si Jonatan lalu manyapai, “Aha dehe salangku? Hajahatan dia do na hubaen jana apala aha do dosangku tu amanta umbaen na giot bunuonna au?”

1 SAMUEL 21:11

Dipaboa angka pagawena i ma tu si Akhis, “Inda he si Daud, raja di halahi? Inda he ia do na nitortoran ni angka dadaboru lalu marendei, ‘Si Saul mamunu marriburibu musu, tapi si Daud mamunu marpulu ribu!’ ”