1 SAMUEL 19:13 - BIBEL JAMITA NA DENGGAN

¹³ Dung i dibuat si Mikal ma gana-ganaan Terafim lalu dipayakkon ia ma i di podoman ni si Daud. Dung i dibaen ia ma sabola uluna i bantal sian imbulu ni hambeng, lalu ditutupi ia muse ma i dohot ulos.

1 SAMUEL 19:13 Referans Kwoze

PAMUNGKAAN 31:19

Topet do hatiha kehe si Laban manggusting angka biri-birina, jana disi ma ditangko si Rahel dewa parsaripeon nampuna ni amangnia i.

HAKIM-HAKIM 18:17

Manigor masuk ma tu bagas i anggo silima halak mata-mata i jana dibuat halahi ma patung hayu na marlampis perak i dohot angka patung na asing i dohot efod i. Laing jongjong do di hatiha i anggo doli-doli Marga Levi i rap dohot sionom ratus tentara i di pintu ni horbangan i.

HAKIM-HAKIM 18:14

Didok mata-mata silima halak na salpu i ma tu angka donganna i, “Diboto hamu dehe na adong di sada sian bagas on patung na marlampis perak? Adong muse dope angka patung na asing dohot Efod. Pikiri hamu ma jolo sanga na aha do sibaenonta.”

HOSEA 3:4

Songon i muse ma pangalaho ni bangso Israel; lolot halahi mangolu tapi nada adong rajana, nada marpamimpin nada adong haul, nada adong gana-ganaan, jana nada adong efod dohot terafim.

HAKIM-HAKIM 17:5

Si Mika sandiri pe na dung adong do sada inganan parsombaannia jana dibaen ia angka patung ni gana-ganaan dohot sada efod. Madung diangkat ia muse do sahalak anaknia gabe malim.

1 SAMUEL 19:16

Jadi masuk ma na disuru i tu bagasan kamar i, hapengani patung do na payak di podoman i dohot bantal imbulu ni hambeng sabola uluna i.